வீடு கட்ட கடன் வாங்கப் போறீங்களா? கம்மி வட்டியில் கிடைக்கும்!

தற்போதைய நெருக்கடியான சூழலில், வீட்டு வாடகைக்கே சம்பளத்தில் பெரும் தொகையைக் கொடுக்க வேண்டியதாக உள்ளது. அதுவும் சம்பளமும் வேலையும் இல்லாமல் போனால் நிலைமை இன்னும் மோசமாகிவிடும். எப்படியாவது வீட்டைக் கட்டிவிட வேண்டும் என்று நினைப்பவர்கள் எந்த வங்கியில் கடன் வாங்கலாம்; சிறப்புச் சலுகைகள் ஏதேனும் உள்ளதா; கடனைச் சரியாகத் திருப்பிச் செலுத்த முடியுமா என்றெல்லாம் ஆலோசிப்பார்கள். அதற்கு முன்பாக, வீட்டுக் கடனுக்கான வட்டி குறைவாக இருக்கும் வங்கியில் வாங்க நினைப்பார்கள்.

வீட்டுக் கடன் வாங்குவதற்கு முன்னர், பல்வேறு வங்கிகளில் வீட்டுக் கடனுக்கான வட்டி விகிதம் எவ்வளவு என்று ஒப்பிட்டுப் பார்த்து வாங்குவது நல்லது. வீட்டுக் கடன் வாங்குவதற்கு நீங்கள் வங்கியையோ அல்லது நிதி நிறுவனத்தையோ நாடலாம். வங்கிகளை விட நிதி நிறுவனங்களில் வட்டி விகிதம் குறைவாகவே உள்ளது. வங்கிகளிலும் சமீப காலமாக வட்டி விகிதங்கள் குறைக்கப்பட்டன. கொடாக் மகிந்திரா வங்கியில் வீட்டுக் கடனுக்கான வட்டி விகிதம் 6.60 சதவீதமாக உள்ளது. அதேபோல, ஸ்டேட் பேங்க் ஆஃப் இந்தியாவில் 6.70 சதவீதத்தில் வட்டி தொடங்குகிறது.

40 மடங்கு தீபாவளி போனஸ்.. ஊழியர்களுக்கு இலவச பைக், தங்க நாணயம்!

எல்.ஐ.சி. ஹவுசிங் ஃபைனான்ஸ் நிறுவனம் 66 சதவீத வட்டியில் வீட்டுக் கடன் வழங்குகிறது. வாங்கும் சம்பளம் மற்றும் சிபில் ஸ்கோரைப் பொறுத்து வட்டி விகிதம் மாறுபடுகிறது. எச்டிஎஃப்சி வங்கியில் 6.75 சதவீத வட்டியில் வீட்டுக் கடன் கிடைக்கிறது. இவ்வங்கியில் பெண்கள் வீட்டுக் கடனுக்கு விண்ணப்பித்தால் ரூ.30 லட்சம் வரையில் 6.75 சதவீதம் முதல் 7.25 சதவீதம் வட்டி வசூலிக்கப்படுகிறது. மற்ற பொதுமக்களுக்கு ரூ.30 லட்சம் வரையிலான கடன்களுக்கான வட்டி 6.80 சதவீதம் முதல் 7.30 சதவீதம் வரை உள்ளது.