Retirement: உங்கள் ஓய்வுக்கால நிதியை உருவாக்குவதற்கு சிறந்த வழி!

நீங்கள் வருடக்கணக்கில் வேலை செய்து சம்பாதிப்பதற்கு முக்கிய காரணம் உங்கள் பணி ஓய்வுக் காலத்திற்கான ஓய்வுக்கால நிதி, ஓய்வூதியம் சேர்த்து வைத்து அதன் மூலம் பலன் பெறுவதே.

ஓய்வுக்கால நிதியை உருவாக்க விரும்புவோர் தங்கள் பணத்தை முதலீடு செய்து அவை வளர வேண்டும் எனில் ஒருங்கிணைக்கப்பட்ட காப்பீட்டுத் திட்டத்தின் (ULIP) உதவியுடன் உங்களுக்கான ஓய்வூதியத்தை எளிதாக உருவாக்க முடியும்.

ULIP முதலீடுகள் பணத்தை வளர்ப்பதற்கான சிறந்த முதலீட்டுக் கருவியாக மட்டுமல்லாமல் ஆயுள் காப்பீட்டு பலன்களையும் வழங்குகின்றன. ஏதேனும் எதிர்பாரா நிகழ்வு நடந்தால் உங்கள் குடும்பத்தினருக்கு நிதி பாதுகாப்பு கிடைக்கும்.

Income Tax Return: வருமான வரித் தாக்கல் செய்வது எப்படி? ஆன்லைனில் ஈசியா முடிக்கலாம்!
நீண்ட கால இலக்குகளை நிறைவேற்ற, முதலீட்டின் இரட்டிப்பு பலன்களான ஓய்வூதியம் மற்றும் ஆயுள் காப்பீட்டை பெற ULIP முதலீடுகள் ஒரு நல்ல சாய்ஸ்.

ULIP திட்டங்கள் நீங்கள் முதலீடு செய்ய முக்கிய காரணங்கள்:

• உங்கள் யூலிப் முதலீட்டை எப்பொழுது வேண்டுமானாலும் உங்கள் விருப்பத்திற்கேற்ப மாற்றிக் கொள்ள முடியும். உதாரணமாக, நீங்கள் எக்விட்டி ஃபண்ட், கடன் ஃபண்ட் ஆகியவற்றில் விருப்பம் போல முதலீடு செய்யலாம். முதலீட்டு விகிதத்தையும், ஃபண்டையும் விருப்பம் போல மாற்றிக்கொள்ளலாம்.

• யூலிப் முதலீடுகள் குறுகிய கால இலக்குகளுக்கானவை அல்ல. மாறாக, நீண்ட கால இலக்குகளுக்கானவை. ஐந்து ஆண்டுகளுக்கு லாக் இன் காலமும் உண்டு. 10 ஆண்டுகளுக்கு மேல் முதலீடு செய்வோருக்கு சில இன்சூரன்ஸ் நிறுவனங்கள் போனஸ் தொகையும் வழங்குகின்றன.

• யூலிப் முதலீடுகளின் சிறப்பு அம்சமே முழு வரி விலக்கு கிடைப்பதுதான்.

• யூலிப் திட்டங்கள் உங்கள் குடும்பத்தினருக்கு நிதிப் பாதுகாப்பு வழங்குகின்றன. நீங்கள் இறந்துவிட்டாலும் குடும்பத்தினருக்கு காப்பீட்டு பலன்கள் கிடைக்கும்.

• பங்குச் சந்தை ஏற்ற இறக்கங்களை விரும்பாதவர்கள் யூலிப் திட்டங்களில் முதலீடு செய்வது நல்லது.