இந்த வாரம் முதல் இதெல்லாம் மாறிடுச்சு!

எல்பிஜி சமையல் கேஸ் சிலிண்டர்கள் மக்களில் அன்றாட தேவைகளில் மிக முக்கியமானதாக இருக்கிறது. ஒவ்வொரு மாதத்தின் தொடக்கத்திலும் கேஸ் சிலிண்டர் விலை மாற்றப்படும். இதன்படி, இந்த மாதத்துக்கு 14 கிலோ மானியமில்லாத சிலிண்டர் விலை மாற்றப்படவில்லை. ஆனால் 19 கிலோ சிலிண்டர் விலை 16.50 ரூபாய் உயர்த்தப்பட்டு 1446.50 ரூபாயாக ஏறிவிட்டது.

செக் பரிவர்த்தனைகளுக்கு positive pay system என்ற புதிய முறை அமலுக்கு வந்துள்ளது. இதன்படி, 50,000 ரூபாய்க்கு மேலான காசோலை பரிவர்த்தனைகளில் முக்கிய விவரங்கள் வெரிபிகேஷன் செய்யப்படும். மோசடிகளை தவிர்ப்பதற்காக இந்த புதிய முறை அமலுக்கு வந்துள்ளது.

இந்தியா முழுவதும் லேண்ட்லைன் போனில் இருந்து மொபைல் போனுக்கு அழைப்பு விடுக்கும்போது, மொபைல் எண்ணுக்கு முன் ‘0’ சேர்க்க வேண்டும்.

கொரோனா சூழலை கருத்தில் கொண்டு மாருதி சுஸுகி, மகிந்த்ரா உள்ளிட்ட நிறுவனங்கள் இம்மாதம் முதல் கார் விலையை உயர்த்தியுள்ளன.

மொபைலில் யூபிஐ பரிவர்த்தனைகளை மேற்கொள்ள ஜனவரி முதல் கூடுதல் கட்டணம் செலுத்த வேண்டியிருக்கும் என்று சில தகவல்கள் வெளியாகியிருந்தன. ஆனால், கூடுதல் கட்டணம் செலுத்த தேவையில்லை எனவும், பொய் தகவல்களை நம்பி ஏமாற வேண்டா எனவும் தேசிய பரிவர்த்தனை கழகம் தெளிவுபடுத்தியுள்ளது.

5 கோடி ரூபாய் வரை டர்ன்-ஓவர் எடுக்கும் நிறுவனங்கள் ஜனவரி 1ஆம் தேதி முதல் ஆண்டுக்கு 4 ஜிஎஸ்டி ரிட்டன்களை தாக்கல் செய்தால் போதும். கடந்த ஆண்டு வரை 12 ரிட்டன்களை தாக்கல் செய்ய வேண்டியிருந்தது குறிப்பிடத்தக்கது.