அட்டகாசமான வட்டி... பணம் போட்டால் அதிக லாபம்!

இந்தியாவின் மிகப் பெரிய வங்கிகளுக்குப் போட்டியாக ஐடிஎஃப்சி ஃபர்ஸ்ட் பேங்க், சேமிப்புகளுக்கான வட்டி விகிதத்தைக் குறைத்து அறிவித்துள்ளது. ரூ.1 லட்சம் வரையிலான டெபாசிட்களுக்கு இவ்வங்கி 7 சதவீத வட்டி வழங்குகிறது. ஜனவரி 1 முதல்தான் இந்த வட்டி விகிதம் அமலுக்கு வந்துள்ளது. இதற்கு முன்னர் 6 சதவீத வட்டி மட்டுமே வழங்கப்பட்டு வந்தது. புத்தாண்டில் வட்டி விகிதம் மிகப் பெரிய அளவில் உயர்த்தப்பட்டுள்ளதால் வாடிக்கையாளர்கள் மகிழ்ச்சியடைந்துள்ளனர்.

பொதுவாக மற்ற வங்கிகள் 3 சதவீதம் முதல் 4 சதவீதம் வரையில் மட்டுமே வட்டி லாபம் தருகின்றன. எனவே இந்த வங்கியில் 7 சதவீத வட்டி கிடைப்பது வாடிக்கையாளர்களிடையே அதிக வரவேற்பைப் பெற்றுள்ளது. இந்தியாவின் மிகப் பெரிய பொதுத் துறை வங்கியான ஸ்டேட் பேங்க் ஆஃப் இந்தியாவில் 2.70 சதவீத வட்டி மட்டுமே கிடைக்கிறது. அதேபோல, ஹெச்டிஎஃப்சி வங்கியில் 3 முதல் 3.5 சதவீத வட்டி மட்டுமே வழங்கப்படுகிறது.

ரூ.28,000 பென்சன் வேணுமா? உடனே இந்த பாலிசியை எடுங்க!

ஐடிஎஃப்சி ஃபர்ஸ்ட் பேங்க் இவ்வாறு அதிக வட்டி வழங்குவதால் அதில் டெபாசிட் செய்யும் வாடிக்கையாளர்களின் எண்ணிக்கையும் அதிகரித்து வருகிறது. 2020 அக்டோபர் - டிசம்பர் காலாண்டில் மட்டும் இவ்வங்கியின் டெபாசிட்டர்களின் எண்ணிக்கை 41 சதவீதம் உயர்ந்துள்ளதாக அவ்வங்கி தெரிவித்துள்ளது. இக்காலத்தில் டெபாசிட் தொகை ரூ.77,289 கோடியாக இருந்துள்ளது. 2019 டிசம்பர் 31 நிலவரப்படி இவ்வங்கியின் டெபாசிட் தொகை ரூ.54,631 கோடியாக மட்டுமே இருந்தது. ஒரே ஆண்டில் டெபாசிட் தொகை மிகப் பெரிய அளவில் வளர்ச்சி கண்டுள்ளது.

கடன் வழங்குவதைப் பொறுத்தவரையில், 2020 டிசம்பர் நிலவரப்படி, ரூ.1,10,499 கோடி கடனாக வழங்கப்பட்டுள்ளது. இது 2019 டிசம்பர் மாத நிலவரப்படி, அப்போது இருந்த கடன் அளவை (ரூ.1,09,698 கோடி) விட 0.7 சதவீதம் அதிகமாகும். காலாண்டு அடிப்படையில் பார்த்தால் இதில் 3 சதவீத வளர்ச்சி ஏற்பட்டுள்ளது.