போஸ்ட் ஆபீஸிலேயே இவ்வளவு வட்டியா.. பலருக்கும் தெரியாத திட்டம்!

ரிஸ்க் எடுக்க விரும்பாத முதலீட்டாளர்கள் காலம் காலமாக ஃபிக்ஸட் டெபாசிட் திட்டங்களில் (Fixed Deposit) முதலீடு செய்து வந்துள்ளனர். ஆனால், கடந்த சில ஆண்டுகளாக ஃபிக்ஸட் டெபாசிட் திட்டங்களுக்கு வட்டி மிக மோசமாக குறைந்துள்ளது.

இதனால், ஃபிக்ஸட் டெபாசிட் திட்டங்களுக்கு மாற்றாக நல்ல வருமானம் தரும் வேறு திட்டங்களை தேடி வருகின்றனர் பொதுமக்கள். இதற்காக எங்கேயும் அலையத் தேவையில்லை. தபால் அலுவலக சிறு சேமிப்புத் திட்டத்திலேயே அதிக வட்டி கிடைக்கிறது.

சிறு சேமிப்புத் திட்டமான பொது வருங்கால வைப்பு நிதி (PPF) திட்டத்தில் ஆண்டுக்கு 7.1% வட்டி வழங்கப்படுகிறது. இத்திட்டத்தில் குறைந்தபட்சமாக ஆண்டுக்கு 500 ரூபாய் முதலீடு செய்ய முடியும். 18 வயதுக்குட்பட்டவர்கள் பேரில் பெற்றோர் அல்லது பாதுகாவலரால் முதலீடு செய்ய முடியும்.

10 ரூபாய் காயினில் அதிர்ஷ்டம்.. வைஷ்ணோ தேவி ஆசீர்வாதத்தில் செம லாபம்!
இதில் இன்னொரு சிறப்பு அம்சம் என்னவென்றால், பொது வருங்கால வைப்பு நிதித் திட்டத்தில் நீங்கள் முதலீடு செய்தால் வருமான வரிச் சலுகைகளையும் பெறலாம். இத்திட்டத்தில் கிடைக்கும் வட்டி வருமானம் மற்றும் மெச்சூரிட்டிக்கு வரி விலக்கு உள்ளது.

தற்போதைய சூழலில் அதிக வட்டி விகிதம் வழங்கும் வெகு சில திட்டங்களில் பொது வருங்கால வைப்பு நிதித் திட்டமும் (Public Provident Fund) ஒன்று என்பது குறிப்பிடத்தக்கது.