நகை வாங்க புதிய விதிமுறை.. ஏப்ரல் 1 முதல் இது கட்டாயம்!

தங்க நகைகளை வாங்கும் போது அவற்றின் தூய்மை குறித்த விஷயத்தில் அரசாங்கம் ஒரு பெரிய நடவடிக்கையை எடுத்துள்ளது. தங்கத்துக்கான ஹால்மார்க்கிங் தொடர்பான முக்கிய முடிவை எடுத்துள்ள மத்திய அரசு, 2023 ஏப்ரல் 1ஆம் தேதி முதல் பொதுமக்கள் தங்க நகைகளை வாங்கும் போது, 6 இலக்க HUID (Hallmark Unique Identification) அடையாளத்தை கட்டாயமாக்கியுள்ளது.

இதன்படி, ஏப்ரல் 1 முதல் தங்க நகைகளை வாங்கும் போது நுகர்வோருக்கு HUID அடையாளம் கட்டாயமாக்கப்படும். HUID எண் இல்லாத நகைகளை விற்பனை செய்ய முடியாது என்று அரசு அறிவித்துள்ளது. அதாவது ஏப்ரல் 1 முதல் நகைக் கடையில் தங்கம் வாங்கும் போது, வாடிக்கையாளர்கள் தங்களுடைய நகைகளில் 6 இலக்க HUID ஐடி உள்ளதா என்று சரிபார்க்க வேண்டும்.

இந்தியாவில் தங்க நகைகளுக்கான ஹால்மார்க் முறை 2000ஆம் ஆண்டு தொடங்கப்பட்டது. தற்போது ஹால்மார்க்கிங் முறையில் தங்க நகைகளுக்கு 4 குறிகள் உள்ளன. தங்க நகைகள் இந்திய தரநிலைகளின் பணியகத்தின் லோகோ, காரட்டில் தங்க நகைகளின் தூய்மை, ஹால்மார்க்கிங் சென்டர் அடையாள முத்திரை மற்றும் நகை லோகோ/குறியீடு ஆகியவற்றைக் கொண்டுள்ளது.

நகை வாங்குவோருக்கு இழப்பு எதுவும் ஏற்படக் கூடாது என்பதற்காகவும், தங்கத்தின் தூய்மை மற்றும் உண்மைத் தன்மையைக் கண்டறியும் வகையில் இந்த விதிமுறை கட்டாயமாக்கப்பட்டுள்ளது. இதன் மூலம் நகை வாங்குவோர் மத்தியில் நம்பிக்கை அதிகரிக்கும் என்று எதிர்பார்க்கப்படுகிறது. அதிகம் செலவு செய்து நகை வாங்கும் மக்களுக்கு எந்த இழப்பும் ஏற்படாத வகையில் இந்த விதிமுறை கட்டாயமாக்கப்படுகிறது.

இந்த 6 இலக்க HUID மூலம் வாடிக்கையாளருக்கு என்ன பயன்?

>> ஒரு வாகனத்தின் தனித்துவமான சேசிஸ் எண்ணைப் போலவே, இந்த ஆறு இலக்க HUID ஆனது ஒவ்வொரு நகைக்கும் தனித்துவமானது.
>> இதனால் பயனர்கள் BIS Care ஆப்பை பயன்படுத்தி விவரங்களை எளிதாகச் சரிபார்க்கலாம்.
>> BIS Care பயன்பாட்டில் ஆறு இலக்க HUID எண்ணை உள்ளிட்டால் நகைகள் தொடர்பான அனைத்து தகவல்களையும் உங்களுக்கு வழங்கும்.