இன்று பங்கு வர்த்தகம் தொடங்கியபின்னர் மும்பை பங்குச் சந்தையில் சென்செக்ஸ் 315.35 புள்ளிகள் உயர்ந்து 37,335.49ஐ தொட்டது. தேசிய பங்குச் சந்தையை பொறுத்தவரை நிஃப்டி 80.75 புள்ளிகள் உயர்ந்து 10,982.45ஐ தொட்டுள்ளது.

சென்செக்ஸில் அதிகபட்சமாக ஹெச்டிஎஃப்சி பேங்க் பங்கு விலை 3.26% (ரூ.1135) உயர்ந்துள்ளது. அதற்கு அடுத்தபடியாக ஹெச்சிஎல் டெக் 2.55%, ஐசிஐசிஐ பேங்க் 2.35%, பஜாஜ் ஃபின்செர்வ் 1.86%, எஸ்பிஐ 1.62%, இண்டஸ் இண்ட் பேங்க் 1.25%, இன்ஃபோசிஸ் 1.07%, டெக் மகிந்த்ரா 1.03% உயர்ந்துள்ளன.

அதிகபட்சமாக சன் பார்மா பங்கு விலை 3.22% சரிந்துள்ளது. அதற்கு அடுத்தபடியாக மாருதி சுஸுகி 1.11%, இந்துஸ்தான் யுனிலீவர் 0.82%, எண்டிபிசி 0.68%, டாடா ஸ்டீல் 0.64% சரிந்துள்ளன.

நிஃப்டியில் அதிகபட்சமாக பார்தி இன்ஃப்ராடெல் பங்கு விலை 4.27% உயர்ந்துள்ளது. அதற்கு அடுத்தபடியாக பிரிட்டானியா 3.49%, ஹெச்டிஎஃப்சி பேங்க் 3.26%, ஹெச்சிஎல் டெக் 2.75%, கோல் இந்தியா 2.49%, ஐசிஐசிஐ பேங்க் 2.32%, யூபிஎல் லிமிட்டெட் 2.13% உயர்ந்துள்ளன.

அதிகபட்சமாக சன் பார்மா பங்கு விலை 3.46% சரிந்துள்ளது. அதற்கு அடுத்தபடியாக சிப்லா 2%, டாடா மோட்டார்ஸ் 1.83%, மாருதி சுஸுகி 1.26%, ஹிண்டால்கோ 1.02%, இந்துஸ்தான் யுனிலீவர் 0.92% சரிந்துள்ளன.

துறைகளின் அடிப்படையில், வங்கிகளின் பங்குகள் அனைத்துமே நல்ல முன்னேற்றத்தை கண்டுள்ளன. மறுபுறம், மருந்து நிறுவனங்கள் கடுமையாக சறுக்கியுள்ளன.

இன்றைய வர்த்தகத்தில் ஹெச்டிஎஃப்சி பேங்க் பங்கு அதிகபட்ச லாபம் அடைந்துள்ளது. ஜூன் காலாண்டில் ஹெச்டிஎஃப்சி பேங்க் நிறுவனத்தின் நிகர லாபம் 19.6% உயர்ந்துள்ளது. இதனால் இன்று ஹெச்டிஎஃப்சி பேங்க் பங்கு சூடுபிடித்துள்ளது.


அமெரிக்க டாலருக்கு நிகரான இந்திய ரூபாயின் மதிப்பு ரூ.0.05 சரிந்து ரூ.75.02ஆக உள்ளது.