தக்காளி Vs எலுமிச்சை விலை.. சபாஷ் சரியான போட்டி!

ஏற்கெனவே பணவீக்கத்தால் பல்வேறு அத்தியாவசியப் பொருட்களின் விலை உயர்ந்துள்ளது. இந்நிலையில் விலை ஏற்றத்தில் தக்காளியும், எலுமிச்சையும் பயங்கரமாக போட்டி போட்டு வருகின்றன.

தலைநகர் டெல்லியில் தக்காளி விலை கிலோவுக்கு 60 முதல் 80 ரூபாய் வரை உயர்ந்துள்ளது. வேறு சில நகரங்களில் தக்காளி கிலோ 100 ரூபாய்க்கு விற்பனை செய்யப்படுகிறது. தக்காளி மட்டுமல்லாமல் வேறு சில காய்கறிகளின் விலையும் உயர்ந்துள்ளது.

தக்காளி உள்ளிட்ட காய்கறிகளின் வரத்து குறைந்துள்ளதே விலை உயர்வுக்கு காரணம் என வியாபாரிகள் கூறுகின்றனர். இன்னும் மழைக்காலம் தொடங்கியபின் காய்கறிகளின் விலை மேலும் உயரும் என கூறப்படுகிறது.

கோதுமை ஏற்றுமதி தடை.. ஒரே ஒரு கண்டீஷன்.. பியூஷ் கோயல் சொன்னது இதுதான்!
ஆசியாவின் மிகப்பெரிய காய்கறி மார்க்கெட்டான காஸிபூர் மண்டியில் தக்காளி வரத்து மூன்றில் ஒரு பங்காக குறைந்துள்ளது. இதனால் தக்காளி விலை கடுமையாக உயர்ந்துள்ளது. தற்போது அங்கு தக்காளி விலை 65 முதல் 80 ரூபாயாக உள்ளது.

தக்காளிக்கு போட்டியாக எலுமிச்சை விலையும் படு பயங்கரமாக உயர்ந்துள்ளது. டெல்லியில் எலுமிச்சை கிலோ 200 ரூபாய் முதல் 250 ரூபாய் வரை விற்பனை செய்யப்படுகிறது. கத்திரிகாய் கிலோ 60 முதல் 80 ரூபாய்க்கு விற்பனை செய்யப்படுகிறது.

இதுபோக காளிபிளவர் 100 முதல் 120 ரூபாய் வரை விற்பனை செய்யப்படுகிறது. வெங்காயம் மற்றும் உருளைக்கிழங்கு கிலோ 40 ரூபாய்க்கு விற்பனை செய்யப்படுகிறது. கேரட் கிலோ 80 ரூபாய்க்கு விற்பனை செய்யப்படுகிறது.