கதறவைக்கும் தக்காளி விலை.. ரேட் கேட்டா ஷாக் ஆகிடுவிங்க!

சென்னைக்கு கர்நாடகம், ஆந்திரப் பிரதேசம், தெலங்கானா, மகாராஷ்டிரா உள்ளிட்ட மாநிலங்களில் இருந்து தக்காளி வருகிறது. இந்நிலையில், மழை, புயல் உள்ளிட்ட காரணங்களால் சென்னைக்கு தக்காளி வரத்து கடுமையாக குறைந்துள்ளது.

இதனால் தக்காளி விலை பயங்கரமாக உயர்ந்துள்ளது. இன்று சென்னை கோயம்பேடு காய்கறி சந்தையில் ஒரு கிலோ தக்காளில் 70 ரூபாய்க்கு விற்பனை செய்யப்படுகிறது. சென்னை புறநகர் பகுதிகளில் தக்காளி கிலோ 80 ரூபாய்க்கு விற்பனை செய்யப்படுகிறது.

அசானி புயல் பாதிப்பு, மழை உள்ளிட்ட காரணங்களால் சென்னைக்கு தக்காளி வரத்து கணிசமாக குறைந்துவிட்டது. சென்னையின் ஒரு நாளைக்கு சுமார் 1200 டன் தக்காளி தேவைப்படுகிறது. ஆனால், கோயம்பேடு சந்தைக்கு 500 டன் தக்காளி மட்டுமே வந்துள்ளது.

பணவீக்கம் வரலாறு காணாத உச்சம்.. இதுக்கு மேல தாங்க முடியாது குருநாதா!
இதுமட்டுமல்லாமல், டீசல் விலை மிக உயர்வாக இருப்பதால் மக்ராஷ்டிரா, சத்தீஸ்கர் போன்ற வடமாநிலங்களில் இருந்து தக்காளில் கொண்டுவர வியாபாரிகள் விருப்பம் காட்டுவதில்லை என கூறுகின்றனர். இதனால் அங்கிருந்து வரும் தக்காளியும் குறைந்துவிட்டது.

தமிழகத்திலும் மழை காரணமாக தக்காளி உற்பத்தி பாதிக்கப்பட்டுள்ளது. இதனால் தமிழகத்திலும் தக்காளி வரத்து குறைவாகவே உள்ளது. இந்நிலையில், கோயம்பேடு காய்கறி சந்தையில் தக்காளி அதிக விலைக்கு விற்பனை செய்யப்பட்டு வருகிறது.