வீட்டுக் கடன் வாங்கணுமா? எந்த வங்கியில் எவ்வளவு வட்டி?

எல்லாருக்குமே சொந்தமாக ஒரு வீடு இருக்க வேண்டும் என்ற ஆசை இருக்கும். பெரும்பாலானோருக்கு சொந்தமாக ஒரு வீடு வாங்க வேண்டும் என்பதே லட்சியமாக இருக்கும். தற்போதைய கொரோனா போன்ற நெருக்கடியான சமயத்தில் நமக்கென்று சொந்தமாக ஒரு வீடு இல்லையே என்ற கவலை பலருக்கு உருவாகியிருக்கும். வீடு வாங்குவதற்கு நிறைய விவரங்கள் தெரிந்திருக்க வேண்டும். எந்த வங்கியில் வீட்டுக் கடன் வாங்கலாம்? எவ்வளவு வட்டியில் கிடைக்கிறது? வேறு ஏதேனும் சலுகை உள்ளதா போன்ற பல்வேறு விஷயங்களை ஆலோசிக்க வேண்டும். அதுவும் இப்போது தீபாவளி பண்டிகைக் காலத்தை முன்னிட்டு பல்வேறு சலுகைகளை வங்கிகள் அறிவித்துள்ளன.

ரிசர்வ் வங்கியின் வலியுறுத்தலின் படி அனைத்து பட்டியலிடப்பட்ட வணிக வங்கிகளும் ரெப்போ வட்டியுடன் இணைந்த வகையில் பல்வேறு கடன்களுக்கான வட்டி விகிதங்களை நிர்ணயம் செய்துள்ளன. குறிப்பாக வீட்டுக் கடன்களுக்கு வட்டி விகிதங்கள் குறைக்கப்பட்டுள்ளன. தற்போதைய சூழலில் எந்தெந்த வங்கிகளில் எவ்வளவு வட்டி விகிதம் இருக்கிறது என்று இங்கே ஒப்பிட்டுப் பார்க்கலாம்.

யூனியன் பேங்க் ஆஃப் இந்தியா
வட்டி - 6.80%
செயல்பாட்டுக் கட்டணம் - 0.50%

பேங்க் ஆஃப் இந்தியா
வட்டி - 6.85%
செயல்பாட்டுக் கட்டணம் - 0.25%

செண்ட்ரல் பேங்க் ஆஃப் இந்தியா
வட்டி - 6.85%
செயல்பாட்டுக் கட்டணம் - 0.50%

கனரா பேங்க்
வட்டி - 6.90%
செயல்பாட்டுக் கட்டணம் - 0.50%

ஐசிஐசிஐ பேங்க்
வட்டி - 6.95%
செயல்பாட்டுக் கட்டணம் - 0.50%

பஞ்சாப் & சிந்த் பேங்க்
வட்டி - 6.90%
செயல்பாட்டுக் கட்டணம் - 0.50%

ஸ்டேட் பேங்க் ஆஃப் இந்தியா
வட்டி - 6.65%
செயல்பாட்டுக் கட்டணம் - 0

பேங்க் ஆஃப் பரோடா
வட்டி - 6.85%
செயல்பாட்டுக் கட்டணம் - 0.25%

ஐடிஎஃப்சி ஃபர்ஸ்ட் பேங்க்
வட்டி - 7%
செயல்பாட்டுக் கட்டணம் - ரூ.10,000 வரை

இந்தியன் பேங்க்
வட்டி - 6.80%
செயல்பாட்டுக் கட்டணம் - 0.230%