டிஜிட்டல் பரிவர்த்தனை வரலாறு காணாத அளவு அதிகரிப்பு

பெங்களூர்: நவம்பர் மாதத்தில் யுபிஐ முறையில் டிஜிட்டல் பரிவர்த்தனை செய்வது 38 சதவீதம் அதிகரித்துள்ளது.

நவம்பர் மாதத்தில் 105 மில்லியன் டிஜிட்டல் பரிவர்த்தனைகள் யுபிஐ (UPI) முறையில் செய்யப்பட்டுள்ளன. தேசிய பேமெண்ட் கார்பரேஷன் (NPCI) தெரிவித்துள்ளது. இதுவரை இல்லாத அளவுக்கு ஒரு மாதத்தில் அதிக அளவு டிஜிட்டல் பரிவர்த்தனைகள் நடந்துள்ளன என்று தெரிவிக்கப்பட்டுள்ளது.

இந்த பரிவர்த்தனைகளில் மாற்றப்பட்ட பணத்தின் பதிப்பு ரூ.9,679 கோடி என்றும் கடந்த மாதத்தில் பரிமாற்றப்பட்ட ரூ.7,057 கோடியை விட இது 37 சதவீதம் அதிகம் என்றும் இந்த அறிக்கை கூறுகிறது.

தற்போது, 61 வங்கிகள் யுபிஐ மூலம் பண பரிவர்த்தனை செய்யும் சேவையை அளிக்கின்றன. இவை தவிர அரசின் பீம் அப்ளிகேஷன் மற்றும் பல தனியார் மொபைல் வாலட் அப்ளிகேஷன்கள் யுபிஐ சேவையை தருகின்றன.