மொத்த பணமும் LIC கிட்டதான் இருக்கு.. SBI வங்கிக்கே செம டஃப்!

இந்திய குடும்பங்கள் சேமிக்கும் ஒவ்வொரு 100 ரூபாயிலும் 10 ரூபாய் எல்ஐசி (LIC) நிறுவனத்துக்கு செல்வதாக யூபிஎஸ் நிறுவனம் வெளியிட்டுள்ள அறிக்கை கூறுகிறது.

இந்திய குடும்பங்களின் மொத்த சேமிப்பில் பெரும் பகுதி எஸ்பிஐ வங்கியிடம் இருப்பதாகவே இத்தனை நாட்களாக கருதப்பட்டு வந்தது. ஆனால், இந்திய குடும்பங்களின் சேமிப்பில் பெரும் பகுதி எல்ஐசி நிறுவனத்திடம் இருப்பதாக யூபிஎஸ் அறிக்கை கூறுகிறது.

ஒவ்வொரு ஆண்டும் இந்திய குடும்பங்களின் சேமிப்பில் 10% தொகை எல்ஐசி நிறுவனத்திடம் போவதாக இந்த அறிக்கை கூறுகிறது. எஸ்பிஐ வங்கியை விட எல்ஐசி நிறுவனத்திடம் அதிக தொகை குவிந்து வருவதாக யூபிஎஸ் ரிப்போர்ட் கூறுகிறது.

LIC: கிளைம் பண்ணாமல் கிடக்கும் பணம்.. எப்படி செக் பண்ணுவது?
எல்ஐசி நிறுவனத்தின் பங்கு வெளியீட்டிற்காக (IPO) அரசு தயாராகி வருகிறது. இதற்கான ஆவணங்களையும் செபியிடம் தாக்கல் செய்துள்ளது மத்திய அரசு. எல்ஐசி நிறுவனத்தில் 5% பங்குகளை விற்பனை செய்ய மத்திய அரசு முடிவு செய்துள்ளது.

இந்த சூழலில், இந்திய குடும்ப சேமிப்புகளில் பெரும் பகுதி எல்ஐசி நிறுவனத்திடம் இருப்பதாக வெளியாகியுள்ள தகவல் முதலீட்டாளர்களின் கவனத்தை ஈர்த்துள்ளது. இதனால், ஏற்கெனவே எல்ஐசி பங்குகளுக்கு இருக்கும் டிமாண்ட் மேலும் அதிகரிக்கும் என எதிர்பார்க்கப்படுகிறது.