இந்தியாவுக்கு கெட்ட காலம் நடக்குது... சர்வதேச ஆய்வில் எச்சரிக்கை!

2019ஆம் ஆண்டு தொடங்கியது முதலே இந்தியப் பொருளாதார வளர்ச்சி பின்னோக்கிச் சென்றுகொண்டிருக்கிறது. தனியார் முதலீடுகள் சரிவு, தேவை குறைபாடு, உற்பத்தி சரிவு, வேலையின்மை பிரச்சினை, கடன் மதிப்பீட்டில் பின்னடைவு உள்ளிட்ட பல்வேறு காரணிகள் பொருளாதார வீழ்ச்சிக்குக் காரணமாக அமைந்தன. முன்னெப்போதும் இல்லாத அளவுக்கு இந்தியப் பொருளாதாரம் மந்தநிலையில் இருப்பதால் மத்திய மோடி அரசுக்குக் கடும் நெருக்கடி ஏற்பட்டது. நடப்பு நிதியாண்டின் ஏப்ரல் - ஜூன் காலாண்டில் 5 சதவீதமாகவும், ஜூலை - செப்டம்பர் காலாண்டில் மிக மோசமாக 4.5 சதவீதமாகவும் பொருளாதார வளர்ச்சி குறைந்தது.

நடப்பு நிதியாண்டின் எஞ்சிய காலாண்டுகளிலும் வளர்ச்சி மந்தமாகவே இருக்கும் என்று சர்வதேச ஆய்வு நிறுவனங்கள் மதிப்பிட்டுள்ளன. இன்னும் இரண்டு வாரங்களில் 2020-21 நிதியாண்டுக்கான மத்திய பட்ஜெட் தாக்கல் செய்யப்படவிருக்கும் நிலையில், பொருளாதார வளர்ச்சியை மீட்டெடுப்பதற்கான நடவடிக்கைகளில் இறங்க வேண்டிய கட்டாயத்தில் மோடி அரசு உள்ளது. இந்நிலையில், இந்திய அரசுக்கு மேலும் ஒரு பின்னடைவாக, ஐக்கிய நாடுகள் சபை தனது மதிப்பீட்டைத் தற்போது வெளியிட்டுள்ளது. அதன்படி, நடப்பு 2019-20 நிதியாண்டில் இந்தியப் பொருளாதார வளர்ச்சி 5.7 சதவீதமாக மட்டுமே இருக்கும் என்று தெரிவித்துள்ளது. முன்னதாக 2019ஆம் ஆண்டின் தொடக்கத்தில் வெளியிடப்பட்ட அறிக்கையில் 7.6 சதவீத வளர்ச்சியை இந்தியா கொண்டிருக்கும் என்று ஐக்கிய நாடுகள் சபை கூறியிருந்தது.

சீக்கிரமே முடிவு தெரிஞ்சிரும்... அமெரிக்கா விஷயத்தில் இந்தியா பதில்!

அடுத்த 2020-21 நிதியாண்டில் இந்தியப் பொருளாதார வளர்ச்சி 7.4 சதவீதமாக இருக்கும் என முன்னதாக ஐக்கிய நாடுகள் சபை மதிப்பிட்டிருந்தது. அது தற்போது 6.6 சதவீதமாகக் குறைக்கப்பட்டுள்ளது. 2021ஆம் ஆண்டின் தொடக்கத்தில் 6.3 சதவீத வளர்ச்சி இருக்கும் எனவும் ஐக்கிய நாடுகள் சபை கூறியுள்ளது. இந்தியா மட்டுமல்லாமல் அமெரிக்கா உள்ளிட்ட உலக நாடுகளின் பொருளாதார வளர்ச்சி நிலை குறித்தும் ஐக்கிய நாடுகள் சபை அலசியுள்ளது.

தங்கம் விலை: என்னம்மா இப்படி பண்றீங்களேமா... இன்றும் விலை உயர்வு!

2020ஆம் ஆண்டில் அமெரிக்காவின் பொருளாதார வளர்ச்சி குறித்த தனது மதிப்பீட்டை 2.2 சதவீதத்திலிருந்து 1.7 சதவீதமாகக் குறைத்துள்ளது ஐக்கிய நாடுகள் சபை. சீனாவின் பொருளாதார வளர்ச்சி 6 சதவீதமாகக் குறையும் எனவும் கூறப்பட்டுள்ளது. 2019ஆம் ஆண்டில் சீனாவின் வளர்ச்சி 6.1 சதவீதமாக இருந்தது என்பது குறிப்பிடத்தக்கது.