Section 80C Deduction: வருமான வரிச் சட்டம் 80C பிரிவு தெரியுமா? உங்கள் பணத்தை சேமிக்க சிறப்பான வழி!

வருமான வரி செலுத்தும் வரம்பிற்குள் வரும் மாதச் சம்பளம் வாங்குபவர்கள், வரி செலுத்தாமல் தவிர்ப்பது எப்படி என்று தீவிரமாக யோசிப்பது உண்டு. இதற்காகவே வருமான வரிச் சட்டத்தின் 80C என்ற பிரிவு உள்ளது. இதன்மூலம் ரூ.1.5 லட்சம் வரையில் சேமிக்க முடியும் என்பது குறிப்பிடத்தக்கது.

EPF, VPF, PPF, ELSS மியூச்சுவல் பண்ட்ஸ், சுகன்யா சம்ருதி கணக்கு, வரி சேமிக்கும் பிக்சட் டெபாசிட், தபால் நிலையம், NPS, NSC, SCSS, நபார்டு பாண்டுகள் உள்ளிட்டவை மூலம் முதலீடுகள் செய்து வரியை சேமிக்க இயலும்.

ஒவ்வொரு முதலீட்டிற்கும் பிரத்யேக முதலீட்டு வரம்பு, வட்டி விகித சலுகை, லிக்யூடிட்டி, திரும்பப் பெறப்படும் வரி ஆகியவை இருக்கின்றன.

லைஃப் இன்சூரன்ஸ் பிரீமியம், ஹோம் லோனில் செலுத்த வேண்டிய பிரின்சிபில் பணம், குழந்தைகளின் கல்விச் செலவு உள்ளிட்டவற்றைக் காண்பித்தும் வரிச்சலுகை பெறலாம்.

நடப்பாண்டில் வரிச்சலுகை பெற விரும்புபவர்கள், தற்போதைய நிதியாண்டிலேயே சரியான முதலீட்டு திட்டங்கள், உரிய செலவீனங்கள் ஆகியவற்றை மேற்கொள்ள வேண்டும். இதன்மூலம் வருமான வரிச்சட்டம் 80C பிரிவின் அடிப்படையில், மாத சம்பளம் வாங்குபவர்கள் வரியை சேமிக்கலாம்.