வருமான வரி சலுகைகளுக்கு விரைவில் முடிவு? மத்திய அரசு புதிய திட்டம்!

வரி விலக்கு மற்றும் வரி சலுகைகள் இல்லாத புதிய வருமான வரி முறையை மறு ஆய்வு செய்ய மத்திய அரசு திட்டமிட்டுள்ளதாக தகவல் வெளியாகியுள்ளது. புதிய வருமான வரி முறையை எப்படி ஊக்குவிப்பது என்பது குறித்து அரசு ஆலோசனை நடத்தவுள்ளது. வருமான வரி சலுகைகளை நிறுத்திவிட்டு, பழைய வருமான வரி முறையை முடிவுக்கு கொண்டுவருவதற்கு அரசு திட்டமிட்டு வருவதாக அதிகாரிகள் வட்டாரத்தில் கூறுகின்றனர்.

2020-21 பட்ஜெட் அறிக்கையில் புதிய வருமான வரி முறை அறிவிக்கப்பட்டது. வரி செலுத்துவோர் பழைய வருமான வரி முறை அல்லது புதிய வருமான வரி முறை ஆகியவற்றில் ஏதேனும் ஒன்றை தேர்வு செய்துகொள்ளலாம். பழைய வருமான வரி முறையில் வரி விலக்கு மற்றும் வரி சலுகைகள் உண்டு.

புதிய வருமான வரி முறையில் வரி சலுகைகள் ஏதும் கிடையாது. ஆனால் வருமான வரி விகிதம் குறைவு. வீட்டுக் கடன் மற்றும் கல்விக் கடன் போன்றவை இல்லாதவர்கள் அல்லது கடனை கட்டி முடித்தவர்கள் புதிய வருமான வரி முறைக்கு மாறுவதற்கு அதிக ஆர்வம் காட்டுவதாக அதிகாரிகள் கூறுகின்றனர்.

சுதந்திர தினத்தில் சூப்பர் அறிவிப்பு.. அதிக வட்டி வழங்கும் ஃபிக்சட் டெபாசிட்!
எனவே, புதிய வருமான வரி முறையில் வரி விகிதத்தை மேலும் குறைக்க அரசு பரிசீலித்து வருவதாக தெரிகிறது. இவ்வகையில் பலரும் புதிய வருமான வரி முறையை தேர்வு செய்ய வாய்ப்புள்ளது. எனவே, புதிய வருமான வரி முறை குறித்து விரைவில் மறு ஆய்வு செய்ய மத்திய அரசு முடிவு செய்துள்ளது.