Gold Import Tax: தங்கம் விலை உயர இதுதான் காரணம்!

தங்கம் மீதான இறக்குமதி வரியை மத்திய அரசு இன்று திடீரென உயர்த்தியுள்ளது. இதன்படி, தங்கம் மீதான இறக்குமதி வரி தற்போது 7.5 சதவிகிதத்தில் இருந்து 12.5 சதவிகிதமாக உயர்த்தப்பட்டுள்ளதாக மத்திய அரசு தெரிவித்துள்ளது.

கடந்த ஆண்டு மத்திய பட்ஜெட் தாக்கல் செய்யப்பட்ட போது தங்கம் மீதான இறக்குமதி வரி 7.5% ஆக குறைக்கபப்ட்டது. இந்நிலையில் தற்போது இறக்குமதி வரி மீண்டும் 12.5% ஆக உயர்த்தப்பட்டுள்ளது.

தங்கத்துக்கு இறக்குமதி வரி மட்டுமல்லாமல் 3% ஜிஎஸ்டி வரியும் விதிக்கப்படுவது குறிப்பிடத்தக்கது. உலகிலேயே தங்கம் இறக்குமதியில் இந்தியா இரண்டாவது இடத்தில் உள்ளது. அதிக தங்கம் இறக்குமதியால் இந்திய ரூபாய் மதிப்பு சரிந்து வருகிறது.

Wet Grinder GST: ஜிஎஸ்டி உயர்வால் தொழிலுக்கு ஆபத்து.. வெட் கிரைண்டர் உற்பத்தியாளர்கள் கவலை!
இந்நிலையில், தங்கம் மீதான இறக்குமதி வரியை அரசு உயர்த்தியுள்ளது. இதையடுத்து இந்தியாவில் இன்று தங்கம் விலை பயங்கரமாக உயர்ந்துள்ளது. சென்னையில் இன்று தங்கம் விலை சவரனுக்கு 856 ரூபாய் உயர்ந்துள்ளது.

சர்வதேச சந்தையில் தங்கம் விலை இன்று குறைவாக உள்ளது. ஆனால் இறக்குமதி வரி உயர்த்தப்பட்டதால் இந்தியாவில் தங்கம் விலை கிடுகிடுவென உயர்ந்துவிட்டது.

இந்தியாவில் தங்கம் ஒரு முதலீடாக மட்டுமல்லாமல் அதிர்ஷ்டம் தரும் பொருளாகவும், அந்தஸ்தின் சின்னமாகவும் பார்க்கப்படுகிறது. எனவே தங்கத்துக்கு எப்போதும் அதிக டிமாண்ட் இருந்து வருகிறது.