அடடே பணவீக்கம் குறைஞ்சிருச்சே.. பொதுமக்களுக்கு குட் நியூஸ்!

கடந்த ஜூலை மாதம் மொத்த விலை பணவீக்கம் (Wholesale Price Inflation) 13.93% ஆக குறைந்துள்ளது என மத்திய அரசு தகவல் வெளியிட்டுள்ளது. உணவுப் பொருட்கள் விலை குறைவதாலும், உற்பத்தி பொருட்கள் விலை குறைவாலும் மொத்த விலை பணவீக்கம் குறைந்துள்ளதாக தெரிகிறது.

முந்தைய ஜூன் மாதத்தில் மொத்த விலை பணவீக்கம் 15.18% ஆக இருந்தது. அதற்கு முன் மே மாதத்தில் மொத்த விலை பணவீக்கம் 15.88% ஆக உயர்ந்து புதிய உச்சத்தை தொட்டிருந்தது. இந்நிலையில், ஜூலை மாதத்தில் மொத்த விலை பணவீக்கம் 13.93% ஆக குறைந்துள்ளது.

பணவீக்கத்தை குறைப்பதற்காக பல்வேறு நடவடிக்கைகளை அரசும், ரிசர்வ் வங்கியும் மேற்கொண்டன. ரிசர்வ் வங்கி மே மாதம் முதல் மூன்று முறை வட்டி விகிதத்தை உயர்த்தியது. மேலும், சமையல் எண்ணெய் உள்ளிட்ட பொருட்களின் விலையும் குறைந்தது.

இனி பால் வாங்குறது கஷ்டம்.. அதிரடியாக உயர்ந்த விலை!
ஜூலை மாதத்தில் சமையல் எண்ணெய், உணவுப் பொருட்கள், கச்சா பெட்ரோலியம், இயற்கை எரிவாயு, உலோகம், மின்சாரம், ரசாயனம் உள்ளிட்ட பொருட்களே பணவீக்கத்தில் பங்கு வகித்துள்ளதாக மத்திய அரசு வெளியிட்டுள்ள தகவல் வாயிலாக தெரிகிறது.

ஜூலை மாதத்தில் மொத்த விலை பணவீக்கத்தை போலவே சில்லறை பணவீக்கமும் குறைந்துள்ளது குறிப்பிடத்தக்கது. ஜூலை மாதத்தில் சில்லறை பனவீக்கம் 6.71% ஆக குறைந்துள்ளது. முந்தைய ஜூன் மாதத்தில் சில்லறை பணவீக்கம் 7.01% ஆக இருந்தது குறிப்பிடத்தக்கது.