சீனியர் சிட்டிசன்களுக்கு ஹேப்பி நியூஸ்.. இனி அந்த டென்ஷன் இல்லை!

சீனியர் சிட்டிசன்களுக்கு நிவாரணம் வழங்கும் வகையில், 75 வயதுக்கு மேற்பட்ட சீனியர் சிட்டிசன்கள் வருமான வரித் தாக்கல் செய்வதில் இருந்து அரசு விலக்கு அளித்துள்ளது. இதற்காக வருமான வரிச் சட்டம் 1961-இல் 194P என்ற புதிய பிரிவும் புகுத்தப்பட்டுள்ளது.

இப்புதிய சட்டப் பிரிவின்படி, பென்சனும் வட்டி வருமானமும் ஒரே வங்கி மூலம் பெறும் 75 வயதுக்கு மேற்பட்ட சீனியர் சிட்டிசன் வருமான வரித் தாக்கல் செய்யத் தேவையில்லை. இதுகுறித்து நிதியமைச்சகமும் ட்விட்டரில் தகவல் வெளியிட்டுள்ளது.

சீனியர் சிட்டிசன்களுக்கான இந்த விலக்கு 2021ஆம் ஆண்டு பட்ஜெட்டிலேயே அறிமுகப்படுத்தப்பட்டது. சீனியர் சிட்டிசன்களுக்கான சுமையை குறைக்கும் வகையில் இந்த வசதி அறிமுகப்படுத்தப்பட்டது.

வருமான வரி வரம்பு உயர்வு.. அரசு எடுக்கப்போகும் முக்கிய முடிவு!
இந்த விலக்கு பெறுவதற்கு ஒரு கண்டீஷனும் உள்ளது. வட்டி வருமானம், பென்சன் வருமானம் என இரண்டு வகை வருமானம் மட்டுமே உள்ள சீனியர் சிட்டிசன்கள் மட்டுமே வருமான வரித் தாக்கல் செய்யத் தேவையில்லை. வேறு வழியிலான வருமானங்கள் இருந்தால் வருமான வரித் தாக்கல் செய்ய வேண்டும்.

வட்டி வருமானத்தை பொறுத்தவரை ஃபிக்ஸட் டெபாசிட் உள்பட பல்வேறு திட்டங்கள் மூலம் கிடைக்கும் வருமானம் வட்டி வருமானம் என கணக்கில் கொள்ளப்படுகிறது.