பென்சன் வாங்குவோருக்கு ஹேப்பி நியூஸ்.. கடைசி தேதி நீட்டிப்பு!

பென்சன் பெறும் ஓய்வூதியதாரர்கள் வாழ்வு சான்றிதழை சமர்ப்பிப்பதற்கான கடைசி தேதியை மத்திய அரசு மேலும் நீட்டித்து அறிவிப்பு வெளியிட்டுள்ளது.

பென்சன் வாங்கும் ஓய்வூதியதாரர்கள் அனைவருமே ஒவ்வொரு ஆண்டும் நவம்பர் 30ஆம் தேதிக்குள் வாழ்வுச் சான்றிதழை (life certificate) சமர்ப்பிக்க வேண்டும். வாழ்வுச் சான்றிதழ் என்பது ஒரு ஓய்வூதியதாரர் உயிருடன் இருக்கிறார் என்பதற்கான சான்று.

வாழ்வுச் சான்றிதழை சமர்ப்பிக்காவிட்டால் தொடர்ந்து பென்சன் பெற முடியாது. ஏற்கெனவே வாழ்வுச் சான்றிதழ் சமர்ப்பிப்பதற்கான கடைசி தேதியை டிசம்பர் 31ஆம் தேதி வரை நீட்டித்து அரசு அறிவித்தது. இன்றுடன் கடைசி தேதி முடிவடைய இருந்த நிலையில் தற்போது மேலும் கடைசி தேதி நீட்டிக்கப்பட்டுள்ளது.

வருமான வரித் தாக்கல்.. கடைசி தேதி நீட்டிப்பு - அரசு பதில்!
வாழ்வுச் சான்றிதழை சமர்ப்பிப்பதற்கான கடைசி தேதி பிப்ரவரி 28ஆம் தேதி வரை நீட்டிக்கப்படுவதாக மத்திய அரசு இன்று அறிவிப்பு வெளியிட்டுள்ளது. கொரோனா நெருக்கடி சூழலை கருத்தில் கொண்டு கடைசி தேதி நீட்டிக்கப்பட்டுள்ளது.

இதுகுறித்து அரசு வெளியிட்டுள்ள அறிவிப்பில், “பல்வேறு மாநிலங்களில் நீடிக்கும் கொரோனா சூழலையும், முதியோரின் நிலையையும் கருத்தில் கொண்டு, அனைத்து வயது பென்சனர்களுக்கும் வாழ்வுச் சான்றிதழ் சமர்ப்பிப்பதற்கான கடைசி தேதி பிப்ரவரி 28ஆம் தேதி வரை நீட்டிக்கப்படுகிறது” என்று தெரிவித்துள்ளது.