அய்யய்யோ மீண்டும் மீண்டுமா!.. வட்டியை உயர்த்திய ஃபெடரல் ரிசர்வ்!

உலகம் முழுவதும் பணவீக்கம் கடுமையாக உயர்ந்து வரும் நிலையில் அமெரிக்க ஃபெடரல் ரிசர்வ் கூட்டம் கூடியது. வட்டி விகிதத்தை தீர்மானிக்கும் இந்த முக்கிய கூட்டத்தில் என்ன முடிவெடுக்கப்படும், என்ன அறிவிப்பு வெளியாகும் என்பது பெரும் எதிர்பார்ப்பாக இருந்தது.

இந்நிலையில், வட்டி விகிதத்தை 0.75% உயர்த்தி அதிரடியாக அறிவிப்பு வெளியிட்டுள்ளது அமெரிக்க ஃபெடரல் ரிசர்வ். இது கடந்த 28 ஆண்டுகளில் இல்லாத வட்டி உயர்வாகும்.

தற்போதைய சூழலில் பணவீக்கம் மிகப்பெரிய பிரச்சினையாக இருப்பதையும், பணவீக்கத்தை சமாளிக்க ஃபெடரல் ரிசர்வ் முனைப்பு காட்டுவதையும் ஃபெடரல் ரிசர்வ் வங்கியின் வட்டி உயர்வு நடவடிக்கை காட்டுகிறது. இதையடுத்து இந்திய ரிசர்வ் வங்கி உள்பட பல்வேறு நாடுகளில் வட்டி உயர்த்தப்படும் என எதிர்பார்க்கப்படுகிறது.

வருமான வரி செலுத்துவோருக்கு எச்சரிக்கை.. உடனே இதை பண்ணிடுங்க!
ஏற்கெனவே இந்திய ரிசர்வ் வங்கி வட்டி விகிதத்தை 4.90% ஆக உயர்த்தி ஜூன் 8ஆம் தேதி அறிவித்தது குறிப்பிடத்தக்கது. எனினும், தற்போது நீடிக்கும் பணவீக்க நெருக்கடி சூழலில் வட்டி உயர்வு நடவடிக்கை எதிர்பார்த்ததுதான் என்கின்றனர் நிபுணர்கள்.