தீபாவளி ஷாப்பிங் பண்ண பணமில்லையா? அட பணமே இல்லாமல் வாங்கிட்டு போங்க!

பண்டிகைக்காலம் தொடங்கிவிட்ட நிலையில் பலரும் ஆர்வத்துடன் ஷாப்பிங் செய்து வருகின்றனர். இதற்கு ஏற்ப பல்வேறு ஸ்டோர்களிலும், ஆன்லைன் நிறுவனங்களிலும் தள்ளுபடி, சிறப்பு விற்பனை போன்ற சலுகைகள் தொடங்கியுள்ளன.

இதனால் பலரும் இந்த பண்டிகை சீசனில் ஷாப்பிங் செய்து வருகின்றன. ஆன்லைன் நிறுவனங்களும் ஏராளமான ஆர்டர்கள் குவிந்து வருவதாக கூறுகின்றன. எனினும், பலரிடமும் உடனடியாக பணம் இல்லாததால் பிடித்த பொருட்களை வாங்க முடியாமல் போகலாம்.

இதற்காகவே ஐசிஐசிஐ வங்கி (ICICI Bank) ஒரு அட்டகாசமான திட்டத்தை அறிமுகப்படுத்தியுள்ளது. ஐசிஐசிஐ வங்கியின் Pay Later வசதியை பயன்படுத்தி, நீங்கள் விரும்பும் பொருளை இப்போதே வாங்கிக்கொள்ளலாம். இதற்கான பணத்தை ஐசிஐசிஐ வங்கியே வழங்கும்.

பென்சன் வாங்கும் மூத்த குடிமக்களுக்கு உதவும் ஆதார் கார்டு!
30 நாட்களுக்குள் நீங்கள் பணத்தை திருப்பி செலுத்த வேண்டும். இந்த வசதியை வைத்து ஐசிஐசிஐ வாடிக்கையாளர்கள் 20,000 ரூபாய் வரை ஷாப்பிங் செய்துகொள்ளலாம். இது ஒரு கிரெடிட் கார்டு வசதி போன்றது என கூறலாம்.

எனினும், உங்களின் கடந்த கால பரிவர்த்தனைகள், சிபில் ஸ்கோர் ஆகியவற்றை பார்த்த பிறகே இந்த Pay later வசதியை வாடிக்கையாளர்களுக்கு ஐசிஐசிஐ வங்கி வழங்கும். நீங்கள் எவ்வளவு கடன் பெற தகுதியானவர் என்பதையும் ஐசிஐசிஐ வங்கி தீர்மானிக்கும்.

கடன்க்கு வட்டி ஏதும் கிடையாது. கடைசி தேதிக்குள் உங்கள் கணக்கில் இருந்து உரிய பணம் எடுத்துக்கொள்ளப்படும். 30 நாட்களுக்குள் கடனை செலுத்தாவிட்டால் அபராதம் உண்டு. ஐசிஐசிஐ வங்கியின் i-Mobile ஆப் மற்றும் இண்டர்நெட் பேங்கிங் வாயிலாக இச்சேவையை பற்றி தெரிந்துகொள்ளலாம்.