பிரபல இன்சூரன்ஸ் கம்பெனியில் 2.5 கோடி முதலீடு செய்துள்ள விராட் கோலி, அனுஷ்கா.. தகவல் வெளியீடு!

இந்திய கிரிக்கெட் டீமின் பிரபல கிரிக்கெட் வீரரான விராட் கோலியும் அவரது மனைவி மற்றும் பாலிவுட்டின் முன்னணி நடிகையுமான அனுஷ்கா சர்மாவும் டிஜிட்டல் ஜெனரல் இன்சூரன்ஸ் ஸ்டார்ட்அப் டிஜிட்டல் இன்சூரன்ஸ் நிறுவனத்தில் ரூ.2.5 கோடி முதலீடு செய்துள்ளதாக ENTRACKR தெரிவித்துள்ளது.

ஜனவரி மாதம் இந்நிறுவனம் 84 மில்லியன் டாலர் நிதி திரட்ட IPO வெளியீட்டுக்கான ஒப்புதலை செபியிடம் தாக்கல் செய்ததில் இந்த முதலீடு ஒரு பகுதியாக இருந்ததாக கூறப்படுகிறது.

Go Digit Insurance நிறுவனம் அதன் ஆரம்பப் பொதுப் பங்கீட்டுக்கான (IPO) 440 மில்லியன் மதிப்பிலான வரைவுத் தாள்களை மீண்டும் செபியிடம் தாக்கல் செய்துள்ளது. செபி இந்நிறுவனத்தின் ஊழியர்களின் பங்குத் திட்டங்கள் தொடர்பான விளக்கம் குறித்து நிறுவனத்திடம் கேள்விகளை எழுப்பியுள்ளது.

ஆனால் சந்தை நிலை சரியில்லாத காரணத்தால் செபி வாரியம் இந்நிறுவனத்தின் ஐபிஓ வெளியீட்டை நிராகரித்தது. அதில் டிஜிட் நிறுவனம் "ஆரம்ப பொதுச் சலுகையை வழங்குவதற்கு தகுதி பெறவில்லை" என்று செபி வாரியம் அறிக்கை வெளியிட்டது.

மேலும் கோ டிஜிட் நிறுவனம் தனது ஊழியர்களின் பங்கு உரிமைகளை பங்கு விருப்பத் திட்டங்களுக்கு மாற்றும் வரை மற்றும் ரெகுலேட்டரிடம் ஆவணங்களை மறுபரிசீலனை செய்யும் வரை IPO நிறுத்தி வைக்கப்படும் என்று ராய்ட்டர்ஸ் தெரிவித்துள்ளது.

அதனையடுத்து சமீபத்தியல் Go Digi 27 மார்ச் 2023 வெளியிட்ட அறிக்கையின்படி சிறப்புத் தீர்மானத்தின் மூலம் இத்திட்டத்திற்கு ஒப்புதல் அளித்த பிறகு, அதன் ஊழியர் பங்கு உரிமைகளை பங்கு விருப்பத் திட்டங்களுக்கு மாற்றியுள்ளதாக தெரிவித்துள்ளது.

அதனையடுத்து Go Digit நிறுவனம் மீண்டும் தனது ஐபிஓ வெளியீட்டுக்கான 440 மில்லியன் டாலர் வரைவுத் தாள்களை மீண்டும் செபியிடம் தாக்கல் செய்துள்ளது.