கம்மி செலவில் விமானத்தில் பறக்கலாம்: விஸ்டாராவின் அதிரடி சலுகைகள்!

உள்நாட்டு விமான டிக்கெட்டுகளுக்கு விஸ்டாரா ஏர்லைன் நிறுவனம் அட்டகாசமான சலுகைகளை அறிவித்துள்ளது. Economy, Premium Economy, Business ஆகிய அனைத்து பிரிவுகளிலும் உள்ள டிக்கெட்டுகளுக்கு தள்ளுபடி அறிவித்துள்ளது விஸ்டாரா.

டாடா குழுமம் மற்றும் சிங்கப்பூர் ஏர்லைன்ஸ் ஆகிய இரு நிறுவனங்களின் கூட்டு முயற்சியால் விஸ்டாரா ஏர்லைன்ஸ் இயக்கப்படுகிறது. 1,299 ரூபாய் முதல் எகானமி டிக்கெட்டுகளையும், 2,099 ரூபாய் முதல் பிரீமியம் எகானமி டிக்கெட்டுகளையும், 5,999 ரூபாய் முதல் பிசினஸ் கிளாஸ் டிக்கெட்டுகளையும் விற்பனை செய்துள்ளது.

PF பணம்: இவ்வளவு பயன் இருக்கா? நீங்கள் தெரிந்துகொள்ள வேண்டியவை!
ஜனவரி 8ஆம் தேதி நள்ளிரவு முதல் ஜனவரி 9ஆம் தேதி இரவு 11.59 மணி வரை நடைபெற்ற விற்பனையில், பிப்ரவரி 25ஆம் தேதி முதல் செப்டம்பர் 30ஆம் தேதி வரையிலான பயணங்களுக்கு டிக்கெட்டுகள் பதிவு செய்ய அனுமதிக்கப்பட்டது.

விஸ்டாராவின் இணையதளம் மற்றும் மொபைல் ஆப்களில் டிக்கெட்டுகளை பதிவு செய்துகொள்ளலாம். இதுமட்டுமல்லாமல், விஸ்டாராவின் ஏர்போர்ட் அலுவலகங்கள், விஸ்டாரா கால் செண்டர்கள், டிராவல் ஏஜெண்டுகள் மூலமாகவும் டிக்கெட் புக் செய்யலாம்.

வட்டியே இல்லாமல் வீட்டுக் கடன் கொடுக்குறாங்களா? என்னய்யா சொல்றிங்க?
பிப்ரவரி 18ஆம் தேதியில் இருந்து டெல்லி முதல் பிராங்ஃபர்ட் (frankfurt)வரை சிறப்பு non-stop விமானங்களை விஸ்டாரா அறிமுகப்படுத்த இருக்கிறது. இந்தியா-ஜெர்மனி இடையிலான ஏர் பபிள் ஒப்பந்தத்தின் அடிப்படையில் இந்த விமானங்கள் இயக்கப்படுகின்றன.