Multibagger: 600% லாபம் கொடுத்த அசாத்திய பங்கு.. இப்போது வாங்கலாமா?

மல்டிபேக்கர் பங்கான வோல்டாம்ப் ட்ரான்ஸ்பார்மர்ஸ் (Voltamp Transformers) பங்கு விலை 600% மேல் உயர்ந்து பங்குதாரர்களுக்கு பலமான லாபத்தை கொட்டி கொடுத்துள்ளது. இந்த பங்கு விலை அண்மை மாதங்களில் சற்று குறைந்துள்ளது. இதை பற்றி விரிவாக பார்க்கலாம்.

வோல்டாம்ப் ட்ரான்ஸ்பார்மர்ஸ் பங்கு விலை கடந்த சுமார் 10 ஆண்டுகளில் 600% மேல் உயர்ந்துள்ளது. கடந்த இரண்டு ஆண்டுகளிலேயே இந்த பங்கு விலை 130% மேல் உயர்ந்துள்ளது. 2022 ஆகஸ்ட் மாதம் 3686 ரூபாய் உச்சத்தை வோல்டாம்ப் ட்ரான்ஸ்பார்மர்ஸ் பங்கு தொட்டது.

அதன்பிறகு சுமார் 25% மேல் வோல்டாம்ப் ட்ரான்ஸ்பார்மர்ஸ் பங்கு சரிந்துள்ளது. இன்று பங்கு வர்த்தகத்தில் வோல்டாம்ப் ட்ரான்ஸ்பார்மர்ஸ் பங்கு 2% அதிகரித்து 2785 ரூபாய் அளவுக்கு உயர்ந்துள்ளது. இந்த பங்கு இப்போது வாங்கலாமா?

ஐசிஐசிஐ செக்யூரிட்டிஸ் (ICICI Securities) நிறுவனம் தனது ரிப்போர்ட்டில் வோல்டாம்ப் ட்ரான்ஸ்பார்மர்ஸ் பங்கிற்கு 'BUY' ரேட்டிங் கொடுத்துள்ளது. அதாவது வோல்டாம்ப் ட்ரான்ஸ்பார்மர்ஸ் பங்கை வாங்கலாம் என ஐசிஐசிஐ செக்யூரிட்டிஸ் ரேட்டிங் கொடுத்துள்ளது.

இதைத்தொடர்ந்து வோல்டாம்ப் ட்ரான்ஸ்பார்மர்ஸ் பங்கு விலையும் உயர்ந்து வருகிறது. மேலும் வோல்டாம்ப் ட்ரான்ஸ்பார்மர்ஸ் பங்கிற்கு 3,610 ரூபாய் டார்கெட் விலையும் ஐசிஐசிஐ செக்யூரிட்டிஸ் வைத்துள்ளது. அதாவது இந்த பங்கு சுமார் 35% உயரலாம் என ஐசிஐசிஐ செக்யூரிட்டிஸ் கருதுகிறது.

ட்ரான்ஸ்பார்மர் உற்பத்தியில் இந்நிறுவனம் முக்கிய அங்கு வகிக்கிறது. உள்நாட்டில் மட்டும் ட்ரான்ஸ்பார்மர் சந்தையில் வோல்டாம்ப் ட்ரான்ஸ்பார்மர்ஸ் நிறுவனத்துக்கு 15% பங்கு இருக்கிறது. தனியார் துறை உள்பட பல தரப்பட்ட வாடிக்கையாளர்களுக்கு ட்ரான்ஸ்பார்மர்களை விற்பனை செய்கிறது.

தற்போதைய சூழலில், மீன்சக்தி துறையில் ஏற்படும் மாற்றங்கள், தனியார் மூலதன செலவுகள், அரசின் உற்பத்தி சார்ந்த ஊக்கத்தொகை திட்டம் ஆகியவற்றால் வோல்டாம்ப் ட்ரான்ஸ்பார்மர்ஸ் நிறுவனம் பயன்பெறும் என ஐசிஐசிஐ செய்க்யூரிட்டிஸ் கருதுகிறது.

இதுபோக வலுவான நிதிநிலை, லாபத்துக்கான எதிர்பார்ப்பு, வருமானம் நிலையான வளர்ச்சி போன்றவை வோல்டாம்ப் ட்ரான்ஸ்பார்மர்ஸ் நிறுவனத்தின் இதர சிறப்பு அம்சங்களாக இருக்கின்றன என்பதையும் ஐசிஐசிஐ செக்யூரிட்டிஸ் சுட்டிக்காட்டியுள்ளது.