CVV: ஏடிஎம் கார்டில் இதை கவனித்தீர்களா? இந்த நம்பர் எதற்கு?

நம் அனைவரிடமுமே வங்கிக் கணக்கு இருக்கும். அதற்கு டெபிட் கார்டுகள் வழங்கப்பட்டிருக்கும். சிலர் கிரெடிட் கார்டு கூட வைத்திருப்பார்கள். ஒவ்வொரு கார்டின் பின்புறத்திலும் CVV என்ற மூன்று இலக்க நம்பர் இருக்கும். அமெரிக்கன் எக்ஸ்பிரஸ் உள்ளிட்ட சில கார்டுகளில் நான்கு இலக்கத்தில் CVV நம்பர் இருக்கும்.

ஆன்லைன் மூலமாகப் பணப் பரிவர்த்தனை செய்யும்போது இந்த CVV நம்பர் கட்டாயமாகும். இதைப் பதிவிட்ட பின்னரே பரிவர்த்தனை நிறைவடையும். ஆன்லைன் பரிவர்த்தனைகளில் மோசடிகளைத் தடுக்கவும் பாதுகாப்புக்காவும்தான் இந்த நம்பர் கொடுக்கப்பட்டுள்ளது. CVV என்பது Card Verification Value.

இந்த CVV நம்பர் தனித்துவமானதாகும். ஏடிஎம் கார்டில் உள்ள நம்பர், எக்ஸ்பைரி டேட் போன்ற எண்களில் இருந்து வேறுபட்டிருக்கும். அப்போதுதான் பரிவர்த்தனைகளில் மோசடிகளைத் தடுக்க முடியும். ஏடிஎம் கார்டு அல்லது கிரெடிட் கார்டில் உள்ள நம்பரை ஹேக்கர்கள் எளிதாகத் திருடிவிட முடியும். ஆனால் CVV நம்பரை ஹேக் செய்வது கடினமான ஒன்று கூறப்படுகிறது.

எனவே, இந்த CVV நம்பரை யாரிடமும் பகிரக்கூடாது. அதேபோல, இதன் புகைப்படத்தையும் சமூக வலைதளங்களில் பகிர்ந்துவிடக் கூடாது என்று வங்கிகள் தரப்பில் எச்சரிக்கப்படுகிறது.