பாலிசிதாரர் இறந்துவிடும் சூழலில் அவரது குடும்பத்தினர் அல்லது அவரைச் சார்ந்திருப்போருக்கு பாதுகாப்பு வழங்க டெர்ம் இன்சூரன்ஸ் உதவுகிறது. டெர்ம் இன்சூரன்ஸின் இதர பயன்கள் என்ன?
பிரீமியம்
டெர்ம் இன்சூரன்ஸ் திட்டங்களைப் பொறுத்தவரை குறைந்த பிரீமியத்துக்கு அதிக காப்பீடு கிடைக்கும். மாத வாரியாக, காலாண்டு வாரியாக அல்லது அரையாண்டு வாரியாக பிரீமியம் செலுத்தலாம். எவ்வளவு விரைவில் டெர்ம் இன்சூரன்ஸில் முதலீடு செய்கிறோமோ அதற்கு ஏற்ப பிரீமியம் குறையும்.
முழு தொகை
பாலிசிதாரர் இறந்துவிட்டால் அவரது குடும்பத்தினர் அல்லது அவரை சார்ந்திருப்போருக்கு உத்தரவாதம் அளிக்கப்பட்ட முழு தொகையும் வழங்கப்படும். இந்தத் தொகை ஒரே தவணையில் மொத்தமாகவோ, மாத வருமானம் போல பிரித்தோ பெற்றுக்கொள்ளலாம். இதன் மூலம் குடும்பத்தினருக்கு தேவையான பாதுகாப்பு கிடைக்கும்.
முக்கிய நோய்களுக்கு கட்டணம்
உங்கள் டெர்ம் இன்சூரன்ஸ் திட்டத்தில் critical illness coverage இருந்தால், உங்கள் திட்டத்தில் கவர் செய்யப்பட்டுள்ள முக்கிய நோய்கள் (critical illness) உங்களுக்கு இருப்பது கண்டறியப்பட்டால் அதற்கு உண்டான தொகை செலுத்தப்படும்.
விபத்து
விபத்தால் மரணம் ஏற்பட்டால் உங்கள் குடும்பத்தினருக்கு பாதுகாப்பு வழங்க Accidental death benefit வசதியை தேர்வு செய்துகொள்ளலாம்.
வரிச் சலுகைகள்
டெர்ம் இன்சூரன்ஸில் முதலீடு செய்பவர்களுக்கு சில வரிச் சலுகைகளும் கிடைக்கின்றன. டெர்ம் இன்சூரன்ஸ் பிரீமியத் தொகைக்கு வருமான வரிச் சட்டம் பிரிவு 80சி கீழ் வரி சலுகை கிடைக்கிறது. மேலும், critical illness வசதிக்கு செலுத்தப்படும் பிரீமியத்துக்கும் வரி சலுகை கிடைக்கிறது. பாலிசிதாரர் இறந்துவிட்டால் குடும்பத்துக்கு செலுத்தப்படும் பணத்துக்கும் வரி விலக்கு உண்டு.