விலை ஏற்றம் வரலாறு காணாத உயர்வு.. எகிறிய உணவு பணவீக்கம்!

கடந்த சில மாதங்களாக பணவீக்கம் கடகடவென உயர்ந்து வந்தது. இந்நிலையில் மே மாதம் சில்லறை பணவீக்கம் லேசாக குறைந்துள்ளது. எனினு, இன்னும் பணவீக்கத்தின் அளவு அதிகமாகவே உள்ளது. உணவு விலை குறைந்துள்ளதால் பணவீக்கம் சற்று தணிந்துள்ளதாக கூறப்படுகிறது.

அரசு வெளியிட்டுள்ள தகவல்படி கடந்த மே மாதம் சில்லறை பணவீக்கம் 7.04% ஆக குறைந்துள்ளது. முந்தைய ஏப்ரல் மாதத்தில் சில்லறை பணவீக்கம் 7.79% ஆக இருந்தது. 2021ஆம் ஆண்டு மே மாதம் சில்லறை பணவீக்கம் 6.3% ஆக இருந்தது.

மே மாதம் உணவு விலை பணவீக்கம் 7.79% ஆக குறைந்துள்ளது. முந்தைய ஏப்ரல் மாதத்தில் உணவு விலை பணவீக்கம் 8.31% ஆக இருந்துள்ளது. உணவு விலை பணவீக்கம் குறைந்ததே சில்லறை பணவீக்கம் குறைந்ததற்கு முக்கிய காரணம் என தெரிகிறது.

இவர்களுக்கு பென்சன் கிடையாது.. தமிழ்நாடு அரசு நடவடிக்கை!
சில்லறை பணவீக்கம் குறைந்தது ஒரு ஆறுதலாக இருந்தாலும், மொத்த விலை பணவீக்கம் மே மாதத்தில் வரலாறு காணாத அளவுக்கு உயர்ந்துள்ளது. அரசு வெளியிட்டுள்ள தகவல்படி, மே மாதத்தில் மொத்த விலை பணவீக்கம் 15.88% ஆக உயர்ந்துள்ளது.

மொத்த விலை பணவீக்கம் கடந்த 14 மாதங்களாக தொடர்ந்து இரட்டை இலக்க வளர்ச்சி பெற்று வருகிறது. மொத்த விலை பணவீக்கத்தில் உணவு பணவீக்கம் 10.89% ஆக உயர்ந்துள்ளது. ஏப்ரல் மாதத்தில் மொத்த விலை உணவு பணவீக்கம் 8.88% ஆக இருந்தது.