ஆதார் கார்டில் இப்படி ஒரு வசதியா? இத்தனை நாளா தெரியாம போச்சே!

இந்திய குடிமக்கள் அனைவருக்கும் ஆதார் கார்டு மிக அவசியமான ஆவணமாக உள்ளது. ஆதார் கார்டு என்பது 12 இலக்க தனித்துவமான எண்கள் கொண்ட அடையாள அட்டையாகும். அரசு திட்டங்களின் பயன்களை பெறுவது முதல் பல்வேறு பணிகளுக்கு ஆதார் கார்டு தேவைப்படுகிறது.

இந்தியாவில் இதுவரை 130 கோடிக்கு மேற்பட்ட ஆதார் கார்டுகள் வழங்கப்பட்டுள்ளன. UIDAI எனப்படும் ஆதார் ஆணையத்தால் ஆதார் கார்டுகள் வழங்கப்படுகின்றன. ஆதார் கார்டில் 12 இலக்க எண், பெயர், பிறந்த நாள், பாலினம், முகவரி ஆகிய விவரங்கள் இடம்பெற்றிருக்கும்.

இதுமட்டுமல்லாமல் ஆதார் கார்டின் பின்புறம் QR Code சேர்த்து பதிக்கப்பட்டிருக்கும். இந்த QR Code எதற்காக பயன்படுத்தப்படுகிறது என்பது பெரும்பாலானவர்களுக்கு தெரிவதில்லை. ஆதார் கார்டில் உள்ள QR Codeல் உங்களது பெயர், முகவரி, பிறந்த நாள், பாலினம் உள்ளிட்ட அனைத்து விவரங்களும் அடங்கியுள்ளது.
சுண்டி இழுக்கும் நவராத்திரி மீல்ஸ்.. IRCTC அறிவிப்பால் ரயில் பயணிகள் குஷி!
இதுமட்டுமல்லாமல், உங்கள் ஆதார் கார்டில் பதிக்கப்படாத இமெயில் மற்றும் மொபைல் நம்பர் ஆகிய விவரங்களும் இந்த QR Codeல் பதிவாகியுள்ளன. சரி இந்த QR Codeல் உள்ள விவரங்களை பார்த்து தெரிந்துகொள்வது எப்படி? இதற்காகவே ஆதார் ஆணையம் Aadhaar QR Scanner என்ற மொபைல் ஆப் அறிமுகப்படுத்தியுள்ளது.

இந்த ஆப் மூலமாக உங்கள் ஆதார் கார்டில் உள்ள QR Codeஐ ஸ்கேன் செய்தால் உங்கள் பெயர், பிறந்த நாள், பாலினம், முகவரி, இமெயில் அட்ரஸ், மொபைல் எண் ஆகிய விவரங்களை தெரிந்துகொள்ளலாம்.