யமாஹா நிறுவனத்தின் புதிய ஸ்கூட்டர் அறிமுகம்

யமாஹா நிறுவனம் தனது புதிய ஸ்கூட்டரை அறிமுகம் செய்துள்ளது. ஸைக்னஸ் ரே இசட்ஆர் எனப் பெயரிடப்பட்டுள்ள இந்த ஸ்கூட்டரின் விலை ரூ.52,000 ஆக நிர்ணயிக்கப்பட்டுள்ளது.

கடந்த பிப்ரவரி மாதம் 13ம் தேதி டெல்லியில் நடைபெற்ற வாகன கண்காட்சியில், ஸைக்னஸ் ரே இசட் ஆர் ஸ்கூட்டரை, யமாஹா அறிமுகம் செய்திருந்தது. இதனை தற்போது வர்த்தக பயன்பாட்டுக்கு அறிமுகம் செய்துள்ள இந்நிறுவனம், இந்தியாவில் ஸ்கூட்டர் தேவை அதிகரித்துக் காணப்படுவதால், தனது தயாரிப்புக்கு எதிர்பார்த்த வரவேற்பு கிடைக்கும் எனவும் குறிப்பிட்டுள்ளது.