யமாஹாவின் புதிய ஸ்கூட்டர் அறிமுகம்

யமாஹா நிறுவனம் சைக்னஸ் ஆல்பா என்ற பெயரில், புதிய இருசக்கர வாகனத்தை அறிமுகம் செய்துள்ளது.

ஸ்கூட்டர் பிரிவில் அறிமுகம் செய்யப்பட்டுள்ள இந்த சைக்னஸ் ஆல்பா வாகனத்தின் விலை ரூ.52,556 ஆக நிர்ணயிக்கப்பட்டுள்ளது. இந்தியா முழுவதும் ஸ்கூட்டர்களுக்கு நல்ல வரவேற்பு காணப்படுவதாகவும், அதன் அடிப்படையில் புதிய ஸ்கூட்டரை அறிமுகம் செய்துள்ளதாகவும் யமாஹா தெரிவித்துள்ளது.

டிஸ்க் பிரேக் உள்ளிட்ட நவீன வசதிகளுடன் வடிவமைக்கப்பட்டுள்ள இந்த சைக்னஸ் ஆல்பா ஸ்கூட்டர், பாதுகாப்பான பயணம் மேற்கொள்ள விரும்பும் வாடிக்கையாளர்களால் அதிகம் விரும்பப்படும் என்றும் நிறுவனம் குறிப்பிட்டுள்ளது.