இது என்னப்பா புது பொரளியா இருக்கு! கிரிப்டோவுக்கு ஆப்பு வைக்கும் டிஜிட்டல் கரன்சி!!

டெதர் காயினின் தலைமை தொழில்நுட்ப அதிகாரியான (CTO) பாவ்லோ ஆர்டோய்னோ டிஜிட்டல் கரன்சி எப்படி கிரிப்டோகரன்சியை பாதிக்கும் என ஒரு விளக்கம் அளித்துள்ளார்.

வளர்ந்து வரும் தொழில்நுட்பத்தின் தாக்கத்தால் உலகம் முழுவதும் உள்ள மத்திய வங்கிகள் டிஜிட்டல் நாணயங்களை (CBDCs) வெளியிடுவது குறித்து ஆலோசித்து வருகின்றன. அதனால் கிரிப்டோகரன்சிகளின் மதிப்பில் அவை பாதிப்பை ஏற்படுத்தும் எனவும் பலர் கருத்துகளைக் கூறி வருகின்றனர்.

தனியார் ஸ்டேபிள் காயின்களின் பங்கை டிஜிட்டல் கரன்சிகள் பாதிக்காது என்று பாவ்லோ கூறியுள்ளார். இதற்குமுன் அவர் ஃபியட் கரன்சிகள் ஏற்கெனவே டிஜிட்டல் கரன்சிகள் என்று குறிப்பிட்டிருந்தார். ஆனால் 30 ஆண்டுகள் பழமையான தொழில்நுட்பத்தை சார்ந்து இருப்பதால், இவை திறமையற்றவை மற்றும் அதன் பராமரிப்பிற்கு அதிக முதலீடுகள் தேவைப்படும் எனவும் பாவ்லோ கூறியிருந்தார்.

Cryptocurrency News Today: இன்று மாஸ் காட்டும் கிரிப்டோ காயின் இதுதான்!
CBDCகள் மையப்படுத்தப்பட்ட கட்டண நெட்வொர்க்குகளை ஸ்விப்ட் (SWIFT) ஆக மாற்றும். அதன் பெரும்பாலான பரிவர்த்தனைகளை நிறைவேற்ற தனிப்பட்ட பிளாக்செயின்களைப் பயன்படுத்த வேண்டியிருக்கும் எனவும் பாவ்லோ கூறியுள்ளார்.

CBDCகளைச் சுற்றி வளர்ந்து வரும் விவாதம் மற்றும் தற்போதைய கட்டண முறையில் அவற்றின் பங்கு பற்றிய தனது கருத்துகளைப் பற்றி ஆர்டோய்னோ தனது ட்விட்டர் பக்கத்தில் வெளியிட்டுள்ளார்.

மேலும் CBDCகள் ஃபியட் கரன்சியை (நிஜ கரன்சி) டிஜிட்டல் முறையில் வழங்க கொண்டுவரப்பட்ட ஒரு கரன்சியாகும். அவை டிஜிட்டல் மயமாக்குவதற்கு வடிவமைக்கப்படவில்லை என்றும் விளக்கம் அளித்துள்ளார்.


அதனால் கிரிப்டோகரன்சிகளின் மதிப்பில் டிஜிட்டல் கரன்சிகள் குறைந்த அளவு பாதிப்பை ஏற்படுத்தக் கூடும். ஆனால் கிரிப்டோகரன்சிகள் முழுமையாக பாதிப்படைய வாய்ப்பில்லை எனவும் பாவ்லோ கூறியுள்ளார்.