Ethereum துணை நிறுவனர் செய்த அதிர்ச்சி செயல்.. விற்றுத் தீர்க்கப்பட்ட டோஜ்காயின்கள்!

எதிரியம் துணை தலைவர் விட்டாலிக் புட்ரின் (Vitalik Buterin) தன்னிடம் உள்ள சுமார் 4.3 மில்லியன் டாலர் (சுமார் 32 கோடி ரூபாய்) மதிப்புள்ள டோஜ்காயின்களை தனது வாலட்டுகளில் இருந்து விற்பனை செய்துள்ளார். டோஜ் வகை காயின்களை அவர் இவ்வாறு விற்பது முதல்முறை அல்ல.

இதற்கு முன் பலமுறை அவர் டோஜ் வகை காயின்களை விற்றுள்ளார். அவை அனைத்தும் தனது சொந்த காரணங்களுக்காக இல்லாமல் மக்களுக்கு உதவி செய்யும் பொருட்டே விற்பனை செய்துள்ளார். அவற்றை புரூஃப் ஆஃப் ஹியுமானிட்டி மூலம் விற்பனை செய்தார்.

புரூஃப் ஆஃப் ஹியுமானிட்டி (Proof of Humanity) என்பது எதிரியமின் பிளாக்செயின் தொழில்நுட்பம் மூலம் க்ளெரோசாண்ட் டெமாக்ரசி எர்த் (Klerosand Democracy Earth) என்ற ஒரு பிளாக்செயின் தொழில்நுட்ப நிறுவனத்துடன் இணைந்து மக்களுக்கு சேவை செய்யும் விதமாக உருவாக்கப்பட்ட ஒரு டோக்கன் தான் இந்த UBI டோக்கன் ஆகும்.

கிரிப்டோ கரன்சிக்கு செக் வைத்த இந்தியா.. முதலீட்டாளர்களுக்கு ஷாக்!
விட்டாலிக் புட்ரின் (Vitalik Buterin) யூனிஸ்வாப் கிரிப்டோ பரிமாற்றத்தளத்தின் மூலம் கடந்த சில வருடங்களாகவே டோஜ் வகை காயின்களான ஐடி இனு (Aidi Inu), ஜெஜுடோஜ் (Jejudoge) மற்றும் ஹஸ்கி டோக்கன் (HuskyToken) போன்ற காயின்களை இந்த புரூஃப் ஆஃப் ஹுமானிட்டிக்காக (Proof of Humanity) விற்பனை செய்துள்ளார்.

கடந்த மே மாதம் இந்தியா கொரானா பெரும் தொற்றால் அதிக அளவில் பாதிக்கப்பட்டிருந்த சமயம் விட்டாலிக் புட்ரின் (Vitalik Buterin) தனது கிரிப்டோ வாலட்டில் இருந்து ஷிபு இனு காயின் சுமார் 1 பில்லியன் டாலர் (தோராயமாக ரூ.7,485 கோடி) விற்று, அதை இந்தியாவின் கொரோனா நிவாரண நிதிக்கு நன்கொடையாக வழங்கினார்.