கிரிப்டோவில் குதித்த ஃபேஸ்புக்.. சொந்த வாலட் அறிமுகம்!

ஃபேஸ்புக்கின் நோவி (Novi) தனது கிரிப்டோ வாலட்டை அமெரிக்காவைச் சேர்ந்த காயின்பேஸ் (Coinbase) நிறுவனத்துடன் இணைந்து கிரிப்டோ வர்த்தகத்தில் நுழைந்துள்ளது. நீண்ட காலமாகவே நோவி வாலட்டை பைலட் முறையில் பயன்படுத்த மக்களிடம் கிரிப்டோ வர்த்தக பயன்பாட்டிற்காக அறிமுகப்படுத்தப்பட்டது.

அதற்கு மக்களிடையே நல்ல வரவேற்பு இருந்த நிலையில் சற்றும் தாமதிக்காமல் ஃபேஸ்புக் நிறுவனம் தனது நோவி வாலட்டை காயின் பேஸ் கிரிப்டோ வர்த்தக தளத்துடன் இணைத்துக் கொண்டு கிரிப்டோ வர்த்தகத்தில் களமிறங்கியுள்ளது.
நோவி (Novi)வாலட் மூலம் மக்கள் யுஎஸ்டியில் உள்ள நிலையான காயின்களை சர்வதேச அளவில் எந்தவித சேவைக் கட்டணமும் இல்லாமல் பணம் செலுத்தவும் மற்றும் அனுப்பவும் முடியும்.

அமெரிக்க டாலரைக் கொண்டு எந்தவொரு உள்ளூர் கரன்சிகளாகவும் அதை திரும்பபெறும் வகையிலும் நோவி வாலட் உருவாக்கப்பட்டுள்ளதாக அதன் நிறுவனர் மார்க் ஜக்கர்பெர்க் தெரிவித்துள்ளார். காயின்பேஸ் (Coinbase) நிறுவனம் ஃபேஸ்புக்கின் இந்த நோவி கிரிப்டோ வாலட்டிற்கென தனிப்பட்ட கோல்ட் ஸ்டோரேஜ்களை (Cold Storage) வழங்கியுள்ளதாகவும், அதில் நோவியின் பயனாளர்கள் மற்றும் அதன் அனைத்து செயல்பாடுகளும் பாதுகாக்கப்படும் என காயின்பேஸின் (Coinbase) நிறுவனம் கூறுகிறது.

Cryptocurrency: டாப் லிஸ்டில் இன்ஃபினிட் எக்ஸ்.. ஒரே நாளில் 1800% உயர்வு!
காயின்பேஸ் நிறுவனமும் கிரிப்டோ வர்த்தகர்கள், பாதுகாப்பான மற்றும் அளவிடக்கூடிய கிரிப்டோ உள்கட்டமைப்பில் ஆழ்ந்த நிபுணத்துவத்தை உருவாக்கியுள்ளது. காயின்பேஸ் நிறுவனம் கடந்த 9 ஆண்டுகளாக கிரிப்டோ வர்த்தகத்தில் அதன் பயணத்தை மேற்கொண்டு வருகிறது.

ஃபேஸ்புக் நோவி திட்டத்தின் தலைவரான டேவிட் மார்கெஸ் இந்த வாலட் பரிவர்த்தனைகளுக்காக யுஎஸ்டிபிஐ (USDP) தேர்வு செய்தார். அதற்கு முக்கிய காரணம் அமெரிக்கர்கள் அதற்கு முழுமையான ஆதரவை வழங்கியதே. இது பாக்ஸோஸ் ஸ்டாண்டர்ட் ஸ்டேபிள் காயின் (Paxos Standard stablecoin)என்றும் குறிப்பிடப்படுகிறது.

இந்த வாலட் மூலம் மக்கள் எந்தவொரு கிரிப்டோ காயின்களையும் அந்நாட்டின் நிஜ ரொக்கப் பணமாக மாற்றி பணத்தை எளிதாக எடுக்க முடியும் எனவும் கூறுகிறார். அதேசமயம் ஃபேஸ்புக்கின் நோவி வாலட்டின் திட்டத்தை தடை செய்யக்கோரி அமெரிக்காவைச் சேர்ந்த சில மாகாணங்களும் அந்நாட்டின் அரசுக்கு கோரிக்கை மனு வைத்துள்ளது.

நோவி வாலட்டை அமெரிக்காவின் நியூயார்க், அலாஸ்கா, நெவாடா மற்றும் விர்ஜின் தீவுகளைச் சேர்ந்த மக்களைத் தவிர மற்ற அமெரிக்க மாகாண மக்களும் பயன்படுத்த அனுமதி வழங்கியுள்ளது.