பிட்காயின் மைனிங்கில் அதிரடியாக களமிறங்கும் இண்டெல்!

செமிகண்டக்டர் உற்பத்தி நிறுவனமான இண்டெல், அடுத்த மாதம் நடக்கவிருக்கும் சர்வதேச சாலிட்-ஸ்டேட் சர்க்யூட்ஸ் மாநாட்டில் ஒரு புதிய “பொனான்சா மைன் சிப்” (ISSCC ) எனும் ஆற்றம் திறன் கொண்ட சிப்பை அறிமுகப்படுத்த திட்டமிட்டுள்ளது. இந்த சிப்பானது கிரிப்டோகரன்சி உலகில் ஒரு பெரிய உந்துதலை ஏற்படுத்தக்கூடும். மேலும் திறமையான பிட்காயின் ASIC (பயன்பாடு-குறிப்பிட்ட ஒருங்கிணைந்த சுற்று) மைனிங்கிற்கு ஏற்றது.

இதுகுறித்து இதுவரை அதிகாரப்பூர்வ தகவல்கள் எதுவும் இல்லை, ஆனால் Intel கலிபோர்னியாவில் உள்ள ஹில்ஸ்பரோ(Hillsborough), சாண்டா கிளாரா (Santa Clara ) மற்றும் சான் டியாகோ (San Diego), அலுவலகங்களில் திட்டமிடப்பட்டுள்ள விளக்கக்காட்சிகளுடன் கூடிய ஆவணத்தின்படி, பிப்ரவரி 23 ஆம் தேதிக்கான ஹைலைட் செய்யப்பட்ட சிப் வெளியீடுகள் பிரிவின் கீழ் இதனை திட்டமிட்டுள்ளது.

இண்டெல் நிறுவனத்தில் உள்ள Accelerated Computing Systems and Graphics (AXG) குழுமத்தின் மூத்த துணைத் தலைவரும் பொது மேலாளருமான ராஜா கோடூரி, கடந்த மாதம் அளித்த பேட்டி ஒன்றில், மிகக் குறைந்த செலவில், மிகக் குறைந்த சக்தியுடன் மிகவும் திறமையான வழிகளில் பிளாக்செயின் பிரச்சனைகளைத் தீர்க்கக் கூடிய மற்றும் சரிபார்க்கும் சிப்பை உருவாக்க நாங்கள் பணியாற்றி வருகிறோம் என்றார்.

Cryptocurrency: நிஞ்ஜா ப்ளோக்கி காயின் தொடர்ந்து ஆதிக்கம்!
எதிர்காலத்திம் வெகு தொலைவில் இல்லை, அதற்காக சில சுவாரஸ்யமான எதிர்காலத்திற்கு உதவும் வன்பொருளைப் உருவாக்கி அறிமுகப்படுத்துவதில் நாங்கள் ஆர்வமாக உள்ளோம் எனவும் கோடூரி கூறியுள்ளார்.