கிரிப்டோகரன்சிகளில் அதிகரிக்கும் வேலைவாய்ப்புகள்!

கிரிப்டோகரன்சிகான எதிர்ப்புகள் மற்றும் பல ஒழுங்குமுறை தடைகள் இருந்த போதிலும் உலக அளவில் அதற்கான வளர்ச்சியும் மற்றொரு வழியில் அதன் உச்ச நிலையை எட்டியுள்ளது.
கிரிப்டோகரன்சிகள், மெட்டாவெர்ஸ் மற்றும் NFTக்கள் அதிகம் பிரபலமடைந்து வருவதால் அதற்கான வேலைவாய்ப்புகளும் அதிகரித்துக் கொண்டே செல்கிறது.

கடந்த வருடம் மட்டும் 300 சதவீதத்திற்கும் மேல் கிரிப்டோகரன்சி தொடர்பான வேலைப்பட்டியல்கள் உயர்ந்துள்ளதாகத் தெரியவந்துள்ள்து. மைக்ரோசாப்ட் நிறுவனத்திற்குச் சொந்தமான வேலை குழுவின் தளமான லிங்க்டுஇன் (LinkedIn) ஆய்வின்படி 2021ஆம் ஆண்டில் கிரிப்டோகரன்சி தொடர்பான வேலைபட்டியல்களின் எண்ணிக்கையானது பிரபல தகவல் தொழில்நுட்ப நிறுவனங்களின் வேலைப்பட்டியல்களின் எண்ணிக்கையை மிஞ்சியுள்ளன.

கிரிப்டோ அப்டேட்: கெத்து காட்டும் லுனா ரஷ் காயின்!
2020 முதல் 2021 வரை அமெரிக்காவில் "பிட்காயின்," "எத்தேரியம்," "பிளாக்செயின்" மற்றும் "கிரிப்டோகரன்சி" போன்ற தலைப்புகளைக் கொண்ட வேலை இடுகைகள் 395 சதவிகிதம் வளர்ச்சியடைந்துள்ளன என்றும், அதே காலகட்டத்தில் தகவல் தொழில்நுட்பத் துறையை விட 98 சதவிகிதம் கிரிப்டோகரன்சிக்கான வேலைத் தேடல்கள் அதிகரித்துள்ளதாகவும் லிங்க்டுஇன் ஆய்வு கூறுகிறது.

கிரிப்டோகரன்சி சார்ந்த வேலை தகவல் தொழில்நுட்பம் மட்டுமல்லாது பிற தொழில் துறைகளிலும் தேவைப்படுகிறது. கணினி வன்பொருள் (computer hardware) துறையில் கணக்கு மற்றும் ஆலோசனைகள் போன்ற தொழில்முறை சேவைகளுக்கான பணியாளர்களுக்கான வேலைவாய்ப்புகளும் அதிகரித்து வருகின்றன என லிங்க்டுஇன் நிறுவனம் கூறுகிறது.