கிரிப்டோவில் மாஸ்காட்டும் மேயர்! சொல்லி அடித்த கில்லி!

கடந்த ஆண்டு நியூயார்க் நகரின் மேயர் பதவிக்கான தேர்தல் பிரச்சாரத்தின் போது ஆடம்ஸ் அவர்களின் பிரச்சாரத்தில் கிரிப்டோகரன்சிகள் குறித்த அறிவிப்புகள் பெரும் பங்கு வகித்தன. அதில் அவர் பதவியேற்றால் நியூயார்க் நகரத்தை கிரிப்டோகரன்சிகளின் முதல் வர்த்தக மையமாக மாற்றுவதாகவும், சொந்த சிட்டிகாயின் நகரத்தை நியூயார்க் கொண்டிருக்கும் எனவும் கூறினார்.

மேலும், ஆடம்ஸ் பதவியேற்றால் அவருக்கு வழங்கும் முதல் காசோலையின் ஒரு பகுதியை கிரிப்டோகரன்சி மூலமாக பெறப்போவதாகவும் பிரச்சாரத்தின் போது மக்களிடம் கூறினார். அதனைத் தொடர்ந்து ஆடம்ஸ் மேயர் தேர்தலிலும் வெற்றி பெற்றார். நவம்பர் 2, 2021 அன்று பதவியேற்பு நிகழ்ச்சியில் உரையாற்றிய போது மக்களிடம் அவர் அளித்த வாக்குறுதியை நிறைவேற்றவும், மியாமி மேயர் பிரான்சிஸ் சுவாரஸ் போலவே தானும் அவரின் முதல் காசோலையின் சில பகுதிகளை பிட்காயின் மூலம் பெற்றுள்ளார்.

மேலும் பதவியேற்பதற்கு முன் ஒரு நேர்காணலின் போது, மேயர் ஆடம்ஸ் கிரிப்டோகரன்சி ஒரு செழிப்பான துறையாக உள்ளதாகவும், அதில் அதிகப்படியான வேலைவாய்ப்புகளை உருவாக்கப் போவதாகவும் கூறினார். மேலும், பள்ளிகளில் பிளாக்செயின் தொழில்நுட்பம் மற்றும் டிஜிட்டல் சொத்துக்களை எவ்வாறு கையாள்வது என்பது குறித்து படிக்க வேண்டும் எனவும், நியூயார்க் நகரத்தை விரைவில் முதன்மை கிரிப்டோ வர்த்தக மையமாக மாற்றப் போவதாகவும் கூறியுள்ளார்.

IPO: கிரிப்டோகரன்சி துறையின் முதல் ஐபிஓ.. இதில் என்ன ஸ்பெஷல்?
அமெரிக்காவில் அரசு ஊழியர்களுக்கு நேரடியாக கிரிப்டோகரன்சிகளில் பணம் செலுத்துவது தடை செய்யப்பட்டுள்ளது. இருப்பினும் நிதி கிடைக்கும் முன் அமெரிக்க டாலர்களை கிரிப்டோவாக மாற்றி டிஜிட்டல் சொத்துக்களாக பெற முடியும். அதற்காக பிரபல கிரிப்டோகரன்சி வர்த்தக தளமான காயின்பேஸ் மூலம் இந்த காசோலையின் ஒரு பகுதியை டிஜிட்டல் கரன்சிகளாக மாற்றி இந்த பரிமாற்றத்தினை அலுவலக ஊழியர்கள் செய்துள்ளனர்.