கேம் விளையாடுங்க - பிட்காயின் அள்ளீட்டுப் போங்க.. இப்படியொரு சர்பிரைஸ்!

“ரியல் வோர்ல்ட் மெட்டாவீர்ஸ்” கேமிங் அம்சத்தை விரிவுப்படுத்தும் முயற்சியில் விரிச்சுவல் கேமிங் நிறுவனமான Pokemon Go இன் கேமிங் டெவலப்பர் நிறுவனமான Niantic தனது பீட்டா விளையாட்டாளர்களை ஊக்குவிக்கும் விதமாக Fold எனும் பரிவர்த்தனை நிறுவனத்துடன் கைகோர்த்துள்ளது.

அதில் விளையாட்டாளர்கள் Fold ஆப் மூலம் Pokemon Go பீட்டா ஆப்பில் செய்யும் ஒவ்வொரு பரிவர்த்தனைகளுக்கும் சிறந்த விளையாட்டாளர்களுக்கு வெகுமதியாக பிட்காயின்களை பரிசளிக்கும் என்று கூறி அதன் பயனாளர்களை மகிழ்ச்சியில் ஆழ்த்தியுள்ளது.

மேலும் Pokemon Go வின் கேமிங் டெவலப்பர் நிறுவனமான Niantic அதன் கூட்டணி நிறுவனமான Coatue இணைந்து செயல்பட்டு தற்சமயம் 300 மில்லியன் டாலர் வரை இந்த நிதியாண்டில் வருமானம் ஈட்டியுள்ளதால், அதன் கேமிங் தொழில்நுட்பத்தை விரிவாக்கும் முயற்சியில் “ரியல் வோல்ட் மெட்டாவீர்ஸ்” எனும் விளையாட்டு அம்சம் மூலம் விளையாட்டாளர்களின் உடல் அசைவை உணரும் தொழில்நுட்பத்தை இந்த கேமிங்கில் உருவாக்கியுள்ளது.

கிரிப்டோகரன்சிக்கு வாய்ப்பே இல்ல.. கைவிரித்த நிதித்துறை செயலாளர்!
இந்த புதிய அம்சமானது அந்த விளையாட்டாளர்களுக்கு புது அனுபவத்தைக் கொடுக்கவும் அதிகப்படியான கிரிப்டோ கரன்சி பிளாக்செயின் மூலம் செயல்படும் மற்ற கேமிங் நிறுவனங்களுக்கு கடுமையான போட்டியை உருவாக்கவும் பிட்காயினை வெகுமதியாக கொடுக்கப்படும் எனக் கூறி கேமிங் உலகில் அனைவரின் கவனத்தையும் ஈர்த்துள்ளது.

மேலும் இச்சலுகைகள் அனைத்தும் Fold கார்டுகளை வைத்திருக்கும் பயனாளர்களுக்கு மட்டுமல்லாது கார்டுகள் அல்லாத கேமர்களுக்கும் பொருந்தும் எனவும் Niantic நிறுவனர் மற்றும் CEO வான ஜான் ஹங்கே தெரிவித்துள்ளார்.