கிரிப்டோகரன்சி விளம்பரங்களுக்கு அதிகரிக்கும் கெடுபிடி!

சமீப காலமாக உலக அளவில் கிரிப்டோகரன்சிகள் மற்றும் டிஜிட்டல் சொத்துக்களின் விரைவான வளர்ச்சியானது பாரம்பரிய நாணயங்களுடன் இணைக்கப்பட்டிருப்பது உலகளாவிய கட்டுப்பாட்டாளர்களின் கவனத்தை ஈர்த்துள்ளது.

அதனைப் பயன்படுத்தி சமூக ஊடக பிரபலங்கள் கிரிப்டோகரன்சிகளைக் குறித்த தவறான கருத்துக்களை எந்தவித அடிப்படை புரிதலும் இல்லாமல் மக்களுக்கு விளம்பரப்படுத்தி வருகின்றனர். பிரபல கிரிப்டோகரன்சி இயங்குதள நிறுவனங்களும் சமூக ஊடக பிரபலங்களை பயன்படுத்தி கிரிப்டோகரன்சி அபாயங்களை தவிர்த்து அதனை ஊக்குவிக்க பிரபலங்கள் மூலம் விளம்பரப்படுத்து வருகின்றன.

அதனால் மக்கள் கிரிப்டோகரன்சி அபாயங்கள் குறித்து அறியாமல் பிரபலங்களின் விளம்பரத்தை நம்பி முதலீடு செய்து பாதிக்கப்பட்டு வருவதாகவும் செய்திகள் அதிகம் பரவி வருகின்றன.

அதனைத் தடுக்கும் பொருட்டு ஸ்பெயின் நாட்டில் சமூக ஊடக பிரபலங்கள் மற்றும் கிரிப்டோகரன்சி இயங்குதள நிறுவனங்கள் ஒரு இலட்சத்திற்கும் மேற்பட்ட மக்களை குறிவைத்து வெளியிடப்படும் கிரிப்டோகரன்சி விளம்பரங்கள் குறித்த தெளிவான விளக்க அறிக்கை ஒன்றை 10 நாட்களுக்கு முன்னதாகவே ஸ்பெயின் அரசாங்கத்திடம் சமர்பிக்க வேண்டும் என்பது போன்ற புதிய கட்டுப்பாடுகளை விதித்துள்ளதாக ஸ்பெயின் அரசின் நேஷனல் செக்யூரிட்டீஸ் மார்க்கெட் கமிஷன் (CNMV)தெரிவித்துள்ளது.

விட்ட இடத்தைப் பிடித்த கர்டானோ.. ஒரே நாளில் டாப் இடத்துக்கு எகிறியது!
மேலும் இந்த புதிய விளம்பரக் கட்டுப்பாடுகள் பிப்ரவரி மாதம் இரண்டாம் வாரத்தில் நடைமுறைப்படுத்தப்படும் எனவும் அதன் மூலம் அனைத்து வகையான கிரிப்டோ சொத்துக்களுக்கான விளம்பரங்களை கண்காணிக்கவும், கிரிப்டோ முதலீட்டில் உள்ள அபாயங்களை குறித்த எச்சரிக்கைகளை சேகரிகவும் முடியும் எனவும் ஸ்பெயின் அரசின் நேஷனல் செக்யூரிட்டீஸ் மார்க்கெட் கமிஷன் கூறியுள்ளது.