கிரிப்டோவில் களமிறங்கும் டிவிட்டர்.. செம சர்பிரைஸ்!

ஆண்ட்ராய்டு ஃபோன்களில் பிட்காயின் லைட்னிங் மூலம் வேகமாக பணம் செலுத்தும் முறையை டிவிட்டரின் டிப் ஜார் (Twitter Tip Jar) ஆப் மூலம் அறிமுகப்படுத்த உள்ளதாக டிவிட்டர் நிறுவனம் அறிவித்துள்ளது.

Twitter Tip Jar என்பது டிவிட்டர் கணக்கு வைத்திருக்கும் கிரியேட்டர்கள் மற்றும் பத்திரிக்கையாளர்களால் மட்டுமே பயன்படுத்த, பணம் அனுப்பவும், பெறவும் உருவாக்கப்பட்ட ஒரு தொழில்நுட்பமாகும். இந்த செயல்முறைக்காக டிவிட்டர் நிறுவனம் Razorpay பணப்பறிமாற்றத் தளத்துடன் இணைந்து இந்த Twitter Tip Jar சேவையை கடந்த ஜூன் மாதம் உருவாகியது.

அதன்பின் ஃபேஸ்புக் மற்றும் கூகுள் நிறுவனங்கள் கிரிப்டோ கரன்சிக்கு ஆதரவு காட்டியதை அடுத்து டிவிட்டரும் கிரிப்டோவுடன் இணைந்து செயல்பட திட்டமிட்டுள்ளது. அதற்காக பிட்காயின் லைட்னிங் நெர்வொர்க்குடன் இணைந்து டிவிட்டர் ஸ்ட்ரைக் செயல்படவுள்ளாதாக அறிவித்துள்ளது.

ஷிபா இனு காயினின் திடீர் வளர்ச்சிக்கு காரணம் என்ன?
டிவிட்டரின் டிப் ஜார் சேவை இதற்குமுன் வென்மோ, கேஸ் ஆப், மற்றும் பேபால் பணப்பரிவர்த்தனை தளங்களுடன் இணைந்து செயல்பட்டு வந்தது. பிட்காயின் பயனாளர்களை ஊக்குவிக்கும் விதமாக டிவிட்டர் நிறுவனம் பிட்காயின் லைட்னிங்குடன் இணைந்து அதன் டிப் ஜார் ஆப் சேவையை ஐபோன் மற்றும் ஆண்ராய்டு மொபைல் ஃபோன்களில் அறிமுகப்படுத்த திட்டமிட்டுள்ளது.

டிவிட்டரின் இந்த பிட்காயின் லைட்டினிங் டிப் அம்சத்தைக் முதலில் கண்டு பிடித்து கூறியவர் ஒரு ரிவர்ஸ் என்ஜினியரிங் எக்ஸ்பார்டான Jane Manchun Wong ஆவார்.அவர் அதற்கான ஆதாரமாக ஒரு ஸ்கீர்ஷாட்டையும் தனது டிவிட்டர் பக்கத்தில் வெளியிட்டுள்ளார்.

அதிகமான சமூக வலைத்தள பயனாளர்களைக் கொண்டுள்ள டிவிட்டரின் இந்த புது தொழில்நுட்பத்தால், கிரிப்டோ உலகில் ஒரு முக்கிய மாற்றம் ஏற்படும் எனவும் முதலீட்டாளர்கள் மத்தியில் எதிர்பார்ப்புகள் எகிறியுள்ளது.