களத்தில் இறங்கிய விசா – கிரிப்டோ பரிவர்த்தனையில் புதிய வசதிகள்!

உலகின் மிகப்பெரிய கட்டண செயலியான விசா, டிஜிட்டல் நாணயங்களை ஏற்றுக்கொள்வது மற்றும் சலுகைகளை பெறுவது குறித்து கிரிப்டோ வணிகர்கள், வங்கிகள் மற்றும் வாடிக்கையாளர்களுக்கு ஆலோசனை சேவைகளை வழங்கும் திட்டத்தை டிசம்பர் 8 அன்று அறிமுகப்படுத்தியுள்ளது.

கிரிப்டோகரன்சியில் விசா கார்டுகள் மூலம் என்னென்ன வசதிகளை வாடிக்கையாளர்கள் பெறுவர் மற்றும் வணிக நிறுவனங்களுக்கு வழங்கப்படும் சலுகைகள் மற்றும் கட்டண விவரங்கள் பயிற்சி அளிப்பது, கிரிப்டோ நிறுவனங்களின் பின்தள செயல்பாடுகளை நிர்வகிப்பது மற்றும் டிஜிட்டல் செயலிக்கான நெட்வொர்க் பயன்பாட்டை நிர்வகிப்பது போன்ற பல்வேறு ஆலோசனை சேவைகளை விசா நிறுவனம் அறிமுகப்படுத்தியுள்ளது.

விசாவின் இந்த ஆலோசனைக் கூட்டத்தில் பங்கேற்ற அமெரிக்காவின் முன்னனி வங்கியான UMB வங்கியின் நிர்வாகத் துணைத் தலைவர் கூறுகையில், “விசாவின் இந்த வணிகக் கூட்த்திற்கு வந்ததன் நோக்கமே விசா கிரிப்டோகரன்சி வணிக நிறுவனங்கள் மற்றும் எங்களைப் போன்ற சில்லறை வணிக வங்கிகளுக்கான பொருத்தமான பயன்பாட்டு செயல்முறைகளை விசா எவ்வாறு வகுத்துள்ளது என்பதை அறியவும் விசாவுடனான அடுத்தகட்ட வளர்ச்சிப் பாதையில் இணைந்து செயல்பட நாங்கள் தயாராக உள்ளோம்” எனவும் கூறியுள்ளார்.

கிரிப்டோ லேட்டஸ்ட் அப்டேட்: டாப் லிஸ்ட்டில் வெரிடேசியம் காயின்!
விசா நடத்திய ஆய்வு ஒன்றில் உலகளவில் 40 சதவீதத்திற்கும் மேற்பட்ட வாடிக்கையாளர்கள் தங்களின் கிரிப்டோ பரிவர்த்தனைகளுக்காக அவர்களின் முதன்மை வங்கிக் கணக்குகளை மாற்ற முயன்று வருவதாகவும் அடுத்த ஒரு வருடத்தில் வாடிக்கையாளர்கள் அவர்களின் முதன்மை வங்கியாக கிரிப்டோவிற்கு ஆதரவு அளிக்கும் வங்கிகளில் தங்களின் வங்கிக் கணக்குகளை தொடங்க அதிக வாய்ப்புள்ளது எனவும் கண்டுபிடித்துள்ளது.

அதன் அடிப்படையிலேயே விசாவும் அதன் வியாபாரத்தை விரிவாக்கம் செய்ய கிரிப்டோகரன்சிகளை விசா கார்டுகள் மூலம் செலுத்திப் பெற அனைத்து நடவடிக்கைகளையும் ஏற்பாடு செய்து பல வங்கிகளுடன் இணையவும் திட்டமிட்டுள்ளது.