தங்கம் விலை: நேத்து மகிழ்ச்சி இன்னைக்கு சோகம்!!

சர்வதேச சந்தையில் தங்கத்தின் விலையில் ஏற்படும் மாற்றங்களுக்கு ஏற்ப உள்நாட்டில் தங்கத்தின் விலையில் ஏற்ற இறக்கம் உண்டாகிறது. டிசம்பர் மாதத்தின் முதல் இரண்டு நாட்களில் தங்கம் விலை சற்று குறைக்கப்பட்டிருந்த நிலையில், இன்று தங்கம் விலை உயர்வு தொடங்கிவிட்டது. நவம்பர் மாதத்தைப் போலவே இந்த மாதமும் தங்கம் விலை தொடர்ந்து உயர்த்தப்படுமா என்ற அச்சம் வாடிக்கையாளர் மத்தியில் நிலவுகிறது.

ஆபரணத் தங்கத்தின் விலை

இன்று (டிசம்பர் 3) சென்னையில் ஒரு கிராம் ஆபரணத் தங்கத்தின் (22 கேரட்) விலை ரூ.3,623 ஆக உள்ளது. நேற்றைய தினத்தில் இதன் விலை ரூ.3,617 ஆக இருந்தது. நேற்றைய விலையிலிருந்து 6 ரூபாய் உயர்த்தப்பட்டுள்ளது.

8 கிராம் ஆபரணத் தங்கத்தின் விலை நேற்று 28,936 ரூபாயிலிருந்து இன்று 28,984 ரூபாயாக உயர்ந்துள்ளது. இன்று ஒரே நாளில் 48 ரூபாய் உயர்த்தப்பட்டுள்ளது.

பெட்ரோல் வரியைக் குறைக்க முடியாது... நிர்மலா சீதாராமன் கறார்!


தூய தங்கத்தின் விலை

24 கேரட் தூய தங்கத்தின் விலை இன்று கிராமுக்கு 6 ரூபாய் உயர்ந்து, ரூ.3,784க்கு விற்பனை செய்யப்படுகிறது. நேற்று 3,778 ரூபாய்க்கு விற்பனையானது.

8 கிராம் தூய தங்கத்தின் விலை நேற்று 30,224 ரூபாயிலிருந்து இன்று 30,272 ரூபாயாக உயர்ந்துள்ளது. தூய தங்கத்தின் விலையும் 48 ரூபாய் உயர்த்தப்பட்டுள்ளது.

மத்திய அரசைத் தாக்கிப் பேசிய ராகுல் பஜாஜுக்கு அமித் ஷாவின் பதில்!

மற்ற நகரங்களில் தங்கத்தின் விலை

ஒரு கிராம் ஆபரணத் தங்கத்தின் விலை மும்பையில் ரூ.3,734 ஆகவும், டெல்லியில் ரூ.3,726 ஆகவும், கொல்கத்தாவில் ரூ.3,765 ஆகவும், ஹைதராபாத்தில் ரூ.3,631 ஆகவும், பெங்களூருவில் ரூ.3,589 ஆகவும், பாண்டிச்சேரியில் ரூ.3,631 ஆகவும், ஒசூரில் ரூ.3,631 ஆகவும், கேரளாவில் ரூ.3,530 ஆகவும் இருக்கிறது.


இந்தியர்களின் சம்பளம் உயரப் போகுதாம்: சர்வதேச ஆய்வில் தகவல்!

வெள்ளியின் விலை

தங்கத்தைப் போலவே வெள்ளியின் விலையும் இன்று சிறிதளவு உயர்த்தப்பட்டுள்ளது. ஒரு கிராம் வெள்ளியின் விலை 47.60 ரூபாயிலிருந்து 47.70 ரூபாயாக உயர்ந்துள்ளது. அதேபோல, ஒரு கிலோ வெள்ளியின் விலை 47,600 ரூபாயிலிருந்து 100 ரூபாய் உயர்ந்து ரூ.47,700க்கு விற்பனை செய்யப்படுகிறது.