தங்கம் விலை: நகை வாங்கப் போறீங்களா... சூப்பர் நியூஸ்!

சென்னையில் இன்று (ஆகஸ்ட் 17) ஒரு கிராம் (22 கேரட்) ஆபரணத் தங்கத்தின் விலை ரூ.5,071 ஆகக் குறைக்கப்பட்டுள்ளது. நேற்று இதன் விலை 5,100 ரூபாயாக இருந்தது. இன்று தங்கத்தின் விலை கிராமுக்கு 29 ரூபாய் குறைந்துள்ளது.

அதேபோல, நேற்று 40,800 ரூபாய்க்கு விற்பனை செய்யப்பட்ட 8 கிராம் ஆபரணத் தங்கம் இன்று 232 ரூபாய் குறைந்து 40,568 ரூபாய்க்கு விற்பனையாகிறது.

ஆபரணத் தங்கத்தைப் போலவே தூய தங்கத்தின் விலையும் இன்று கணிசமாகக் குறைந்துள்ளது. 24 கேரட் தூய தங்கத்தின் விலை (ஒரு கிராம்) நேற்று ரூ.5,355லிருந்து இன்று ரூ.5,326 ஆகக் குறைந்துள்ளது.

அதேபோல, 8 கிராம் தூய தங்கம் நேற்று 42,840 ரூபாய்க்கு விற்பனையான நிலையில், இன்று 232 ரூபாய் குறைந்து 42,608 ரூபாய்க்கு விற்பனை செய்யப்படுகிறது.

ஒரு கிராம் ஆபரணத் தங்கத்தின் விலை மும்பையில் ரூ.5,123 ஆகவும், பெங்களூருவில் ரூ.4,977 ஆகவும், ஹைதராபாத்தில் ரூ.5,107 ஆகவும், கேரளாவில் ரூ.4,938 ஆகவும், டெல்லியில் ரூ.5,117 ஆகவும், கொல்கத்தாவில் ரூ.5,189 ஆகவும், ஒசூரில் ரூ.5,107 ஆகவும், பாண்டிச்சேரியில் ரூ.5,101 ஆகவும் இருக்கிறது.

வெள்ளி விலையும் இன்று குறைந்துள்ளது. ஒரு கிராம் வெள்ளியின் விலை நேற்று ரூ.75.10லிருந்து இன்று ரூ.74.10 ஆகக் குறைந்துள்ளது. ஒரு கிலோ வெள்ளி 74,100 ரூபாய்க்கு விற்பனை செய்யப்படுகிறது.