தங்கம் விலை: இன்னைக்கும் கெட்ட செய்திதான்... தொடர்ந்து விலையேற்றம்!

சர்வதேச விலை நிலவரங்களுக்கு ஏற்ப இந்தியாவில் தங்கம் விலை நிர்ணயிக்கப்பட்டு வருகிறது. தங்கம் பயன்பாட்டில் முன்னிலையில் இருக்கும் இந்தியா ஆபரணங்கள் தயாரிப்புக்காகவே அதிகமான தங்கத்தை இறக்குமதி செய்கிறது. இறக்குமதிக்கு அதிகம் செலவிட நேரும்போது அதன் தாக்கத்தை வாடிக்கையாளர்கள் மீது சுமத்தும் வகையில் தங்கம் விலை உயர்த்தப்படுகிறது. இம்மாதத் தொடக்கத்தில் தங்கம் விலை குறைக்கப்பட்டு வந்த நிலையில், மாத இறுதியில் தொடர்ச்சியான விலையேற்றம் நிலவுகிறது. கடந்த ஒரு வாரமாகவே தங்கம் விலை ஏற்றத்திலேயே இருக்கிறது.

சென்னையில் இன்று (டிசம்பர் 28) ஒரு கிராம் ஆபரணத் தங்கம் (22 கேரட்) 3,730 ரூபாய்க்கு விற்பனை செய்யப்படுகிறது. நேற்று இதன் விலை ரூ.3,714 ஆக இருந்த நிலையில் இன்று 16 ரூபாய் உயர்ந்துள்ளது.

அதேபோல, 29,712 ரூபாய்க்கு நேற்று விற்பனை செய்யப்பட்ட 8 கிராம் ஆபரணத் தங்கத்தின் விலை இன்று 29,840 ரூபாயாக உயர்த்தப்பட்டுள்ளது. இன்று சவரனுக்கு 128 ரூபாய் உயர்ந்திருக்கிறது.

24 கேரட் தூய தங்கத்தின் விலையும் கிராமுக்கு 18 ரூபாய் உயர்ந்து, ரூ.3,917க்கு விற்பனை செய்யப்படுகிறது. நேற்று இதன் விலை ரூ.3,899 ஆக இருந்தது.

8 கிராம் தூய தங்கத்தின் விலை நேற்று 31,192 ரூபாயிலிருந்து இன்று 31,336 ரூபாயாக அதிகரித்துள்ளது. தூய தங்கத்தின் விலை இன்று 144 ரூபாய் உயர்ந்துள்ளது.

ஒரு கிராம் ஆபரணத் தங்கத்தின் விலை மும்பையில் ரூ.3,748 ஆகவும், டெல்லியில் ரூ.3,746 ஆகவும், கொல்கத்தாவில் ரூ.3,783 ஆகவும், ஹைதராபாத்தில் ரூ.3,713 ஆகவும், பெங்களூருவில் ரூ.3,638 ஆகவும், பாண்டிச்சேரியில் ரூ.3,714 ஆகவும், ஒசூரில் ரூ.3,715 ஆகவும், கேரளாவில் ரூ.3,578 ஆகவும் இருக்கிறது.

தங்கத்தின் விலை உயர்ந்திருந்தாலும் வெள்ளி விலையில் இன்று சரிவு ஏற்பட்டுள்ளது. சென்னையில் ஒரு கிராம் வெள்ளியின் விலை ரூ.50 ஆக இருக்கிறது. நேற்று 50.20 ரூபாய்க்கு விற்பனை செய்யப்பட்டது. ஒரு கிலோ வெள்ளி 50,000 ரூபாய்க்கு விற்பனை செய்யப்படுகிறது.