Dhanteras: தந்தேராஸ் பண்டிகையை முன்னிட்டு தங்கம் விலை கடும் உயர்வு

தந்தேராஸ் பண்டிகையை முன்னிட்டு தங்கத்தின் விலை கடந்த 6 ஆண்டுகளில் இல்லாத அளவிற்கு உயரத்தை எட்டியுள்ளது.

தீபாவளி பண்டிகைக்கு முந்தைய நாள் தந்தேராஸ் பண்டிகை கொண்டாடப்படுகிறது. இந்தப் பண்டிகையில் செல்வத்தின் கடவுகளர்களான மகாலட்சுமியையும் குபேரனையும் வணங்குவது வழக்கம். மேலும் இந்த நாளில் தங்கம் வாங்கினால் அது பல்கிப் பெருகும் என்றும் நம்பப்படுகிறது.

இந்த ஆண்டு தீபாவளிப் பண்டிகை சில மாநிலங்களில் நாளையும் வேறு மாநிலங்களில் நாளை மறுநாளும் கொண்டாடப்படுகிறது. இதற்கு முந்தைய நாளான தந்தேராஸை முன்னிட்டு தங்கம் வாங்க நகைக் கடைகளில் வாடிக்கையாளர்கள் கூட்டம் அலைபோதுகிறது.

இதனால், தங்கம் விலையும் கடந்த 6 ஆண்டுகளில் இல்லாத அளவுக்கு உச்சம் தொட்டுள்ளது. 10 கிராம் தங்கத்தின் விலை ரூ.32,870ஐத் தொட்டது. சந்தை முடிவில் 10 கிராம் தங்கம் 32,650 ஆக நிறைவு பெற்றது.

ஒரு கிலோ வெள்ளி 70 ரூபாய் குறைந்து ரூ.39,530 ஆக நிறைவடைந்துள்ளது. 100 வெள்ளி நாணயங்களின் விலை 76,000 ஆக உள்ளது.