வரி செலுத்த இன்னும் 15 நாட்களே உள்ளது.. உங்கள் வருமான வரியை மிச்சப்படுத்தவும் இதுதான் லாஸ்ட் சான்ஸ்!

மியூச்சுவல் ஃபண்ட் நிதி மேலாளர்கள் மற்றும் ஆலோசகர்கள் எப்போதும் நிதியாண்டின் தொடக்கத்தில் வரி திட்டமிடலைத் தொடங்குவதன் நன்மைகளை மீண்டும் மீண்டும் கூறினாலும், பல வரி செலுத்துவோர் தங்கள் வரி சேமிப்புத் திட்டங்களை நிதியாண்டின் கடைசி இரண்டு மாதங்களில் மட்டுமே முடிக்கிறார்கள்.

இந்த நிதியாண்டில் உங்கள் வரி சேமிப்பு முதலீடுகளை முடிக்க இன்னும் 2 வாரங்கள் மட்டுமே உள்ளது. உங்கள் முதலீடுகளைச் ஈக்விட்டி இணைக்கப்பட்ட சேமிப்புத் திட்டங்கள் அல்லது ELSS பங்குகளில் முதலீடு செய்து ஒரு நிதியாண்டில் ரூ.1.5 லட்சம் வரை வரியைச் சேமிக்கலாம். இந்த முதலீட்டு உத்தியின் காரணமாக இந்தத் திட்டங்கள் மிகவும் ஆபத்தானவை. இருப்பினும், அவை நீண்ட காலத்திற்கு உயர்ந்த வருமானத்தை வழங்கும் எனக் கூறப்படுகிறது.

இந்த நிதியாண்டில் வருமான வரிச் சட்டத்தின் 80சி பிரிவின் கீழ் வரியைச் சேமிக்க விரும்பினால், மார்ச் 31-ஆம் தேதிக்குள் குறிப்பிட்ட முதலீடுகளில் முதலீடு செய்ய வேண்டும். இதில் சந்தை அபாயங்கள் உண்டு என்பதை நினைவில் கொள்ளவும். இதன் முழு நோக்கமே வரியில் அதிகப்படியான பணத்தைச் செலுத்தாமல் உங்கள் வருமானத்தை பாதுக்கப்பதே ஆகும்.

எடுத்துக்காட்டாக, ELSS அல்லது வரி சேமிப்பு மியூச்சுவல் ஃபண்ட் வகை 10 வருடத்தில் 14.21%க்கும் அதிகமான வருமானத்தை வழங்குகிறது. மேலும் அதன் சராசரி ஆண்டு வருமானம் 12% என்று வைத்துக் கொண்டால், 10 ஆண்டுகளுக்கு ஒவ்வொரு ஆண்டும் ரூ. 1.5 லட்சத்தை முதலீடு செய்தால் 29 லட்சம் கார்பஸை உருவாக்க முடியும்.

கிரிசல் ரேட்டிங்கில் நம்பர் 1 இடத்தைப் பிடித்த வரிச் சேமிப்புத் திட்டங்கள்!

1. Quant Tax Plan
2. Parag Parikh Tax Saver Fund
3. Bandhan Tax Advantage (ELSS) Fund
4. HDFC Taxsaver Fund

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.