நீங்களும் பணக்காரர் ஆகலாம்.. ஜஸ்ட் 1000 ரூபாய் போதும்.. அந்த ரகசியம் இதுதான்!!

மியூச்சுவல் ஃபண்டில் முதலீடு செய்ய மக்கள் தயங்குவதற்கு முதல் காரணம் அவை சந்தை அபாயங்களுக்கு உட்பட்டவை என்பதால் தான். ஆனால் கோவிட்-19 பெருந்தொற்றின் காலத்தில் மியூச்சுவல் ஃபண்ட் திட்டங்கள்தான் நடுத்தர வர்க்க மக்கள் மற்றும் இல்லத்தரசிகளின் சிறு சேமிப்பு திட்டமாக மாறியது.

பங்குச் சந்தையில் முதலீடு செய்ய வேண்டும் எனில் அதிகப் பணமும், அறிவும் தேவை ஆனால் மியூச்சுவல் ஃபண்டில் 100 ரூபாய் இருந்தாலே முதலீடு செய்ய முடியும். அவற்றைப் பற்றி சில வாரங்கள் படித்தாலே புரியும் அளவிற்கு அதன் செயல்பாடுகள் இருக்கும்.

அப்படியிருக்க மக்கள் கடந்த இரண்டு வருடங்களாக மியூச்சுவல் ஃபண்டில் அதிகமாக முதலீடு செய்து வருகின்றனர். அதிலும் குறிப்பாக சந்தை அபாயங்கள் குறைந்த ஃபண்டுகளில் முதலீடு செய்வதில் ஆர்வமாக உள்ளனர்.

மியூச்சுவல் ஃபண்ட் சேமிப்புத் திட்டங்களில் 5 ஸ்டார் ரேட்டிங் பெற்ற நீண்டகால சேமிப்புக்கு உதவும் சில ஃபண்டுகளைப் பற்றி இக்கட்டுரையில் காணலாம்.

1. ஏடெல்வைஸ் ஈக்விட்டி சேவிங்ஸ் ஃபண்ட் (Edelweiss Equity Savings Fund - Direct Plan-Growth)

இந்த ஃபண்டிற்கான குறைந்தபட்ச சிப் (SIP) முதலீடு 500 ரூபாயாகவும், லம்ப்சம் தொகையெனில் (lump-sum) ரூ.5000 ஆகும். இதற்கு லாக்-இன் காலம் இல்லை மற்றும் வெளியேற்றக் கட்டணமும் இல்லை.

இந்த ஃபண்டானது கடந்த ஒரு ஆண்டில் மட்டும் 9.16% சராசரி ஆண்டு வருமானத்தை அதன் முதலீடுகளின் மீது வழங்கியுள்ளது. இந்த ஃபண்ட் சந்தை அபாயங்கள் குறைந்த ஒரு திறந்த நிலை ஃபண்டாகும்.

2. மிரே அசெட் சேவிங்ஸ் ஃபண்ட் (Mirae Asset Equity Savings Fund - Direct Plan-Growth)

இந்த ஃபண்டிற்கான குறைந்தபட்ச சிப் (SIP) முதலீடு 100 ரூபாயாகவும், லம்ப்சம் தொகையெனில் (lump-sum) ரூ.5000 ஆகும். இதற்கு லாக்-இன் காலம் இல்லை ஆனால் ஒரு வருடத்திற்குள் வெளியேறினால் 1% முதலீடுகளில் இருந்து வெளியேற்றக் கட்டணமாக பிடித்தம் செய்யப்படும்.

இந்த ஃபண்டானது டிசம்பர் 2018 அன்று தொடங்கப்பட்டது. ஆரம்பித்த ஆண்டு முதலே இந்த ஃபண்டானது 20.18% சராசரி ஆண்டு வருமானத்தை வழங்கி வருகிறது.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.