100 ரூபாயில் உங்களுக்கு வருமானம் ஈட்டித் தரும்.. சூப்பரான முதலீடு!

மியூச்சுவல் ஃபண்ட் பற்றி முதலீடு செய்யும் நபர்கள் முழுமையாக அறியவில்லை என்றாலும், அதன் முக்கியமான சில உத்திகளை அறிந்து முதலீடு செய்வது அவசியமாகும். அதற்கு மியூச்சுவல் ஃபண்ட் என்றால் என்ன என்பதைப் பற்றி முதலில் காணலாம்.

மியூச்சுவல் ஃபண்ட்:

மியூசுவல் ஃபண்ட் (Mutual fund) என்பது முதலீடுகளை வருமானமாக ஈட்டும் சேகரிப்பாகும். ஒரு முதலீட்டாளர் இந்த மியூட்சுவல் ஃபண்ட் மூலம் ஒரு குறிப்பிட்ட காலத்திற்கு தங்கள் பணத்தை சேகரிக்கின்றனர். நிதி மேலாளர் அல்லது போர்ட்ஃபோலியோ (Portfolio) மேலாளர்களால் இந்த நிதி நிர்வகிக்கப்படுகிறது.

மேலும் பத்திரங்கள், பங்குகள், தங்கம் மற்றும் பிற சொத்துக்களில் முதலீட்டாளர்கள் குறிப்பிட்ட இந்த திட்டங்களில் முதலீடு செய்து சாத்தியமான வருமானத்தை அடையமுடியும். இந்த முதலீட்டின் ஆதாயங்கள் முதலீட்டாளர்கள் நிதிக்கு அவர்களின் பங்களிப்பின் விகிதங்கள் கூட்டாக பகிர்ந்தளிக்கப்படுகின்றன.

நீங்கள் நீண்டகாலத்திற்கு வருமானம் சேர்த்து வைக்க விரும்புகிறீர்களேயானால், உங்களுக்கு பாண்ட் ஃபண்டுகள் ஒரு நல்லத் தேர்வாக இருக்கும்.

அதிலும் சில பாண்ட் ஃபண்டுகள் எல்லாக் காலங்களிலும் 5% குறையாமல் அதன் முதலீடுகளின் மீது சராசரி ஆண்டு லாபத்தை அளித்து வருகின்றனர். அதிலும் சில ஃபண்டுகள் சந்தை அபாயங்கள் எதுவுமின்றி மிகவும் பாதுகாப்பானதாகவும் மதிப்பிடப்பட்டுள்ளது.

IDFC Bond Fund - Income Plan - Direct Plan – Growth:

இந்த ஃபண்டானது ஐடிஎஃப்சி (IDFC) மியூச்சுவல் ஃபண்ட் நிறுவனத்தால் ஜூன் 2000 ஆம் ஆண்டு தொடங்கப்பட்டது. இது ஒரு நடுத்தர முதல் நீண்டகால டெட் ஃபண்டாகும்.

இந்த ஃபண்டானது 21 ஆண்டுகளுக்கு முன்பே தொடங்கப்பட்டது. இந்த ஃபண்டின் தற்போதைய சொத்து மதிப்பானது ரூ.571.26 (AUM) ஆக உள்ளது.

இந்த ஃபண்டிற்கான குறைந்தபட்ச எஸ்ஐபி (SIP) முதலீட்டுத்தொகை ரூ.100 ஆகும். நீங்கள் மொத்தமாக முதலீடு செய்ய நினைத்தால் (LUMPSUM) அதற்கான முதலீட்டுத் தொகை ரூ.1000 ஆக நிர்ணயிக்கப்பட்டுள்ளது.

இந்த ஃபண்டில் லாக்-இன் காலம் என்று எதுவுமில்லை. ஆனால் நீங்கள் முதலீடு செய்து ஒரு வருடத்திற்குள் இத்திட்டத்திலிருந்து வெளியேற விரும்பினால் அதற்கு 10% வெளியேற்றக் கட்டணமாக பிடித்தம் செய்யப்படும்.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.