மியூச்சுவல் ஃபண்டில் 200% மேல் வருமானம் தந்த.. கனரா சேமிப்புத் திட்டம்!

ஸ்மால் கேப் ஃபண்டுகள் சில மாதங்கள் சரியான லாபத்தை ஈட்டவில்லை என்றாலும், குறிப்பிட்ட சில மியூச்சுவல் ஃபண்டுகள் 3 முதல் 5 ஆண்டுகளில் 200% மேல் லாபம் அளித்து வருகிறது. அதில் ஒன்றுதான் கனரா ரோபேக்கோ ஸ்மால் கேப் ஃபண்ட் (Canara Robeco Small Cap Fund) திட்டம். அதைப் பற்றி விரிவாகக் காணலாம்.

மியூச்சுவல் ஃபண்டுகளில் ஸ்மால் கேப் ஃபண்ட் வகைகளில் கனரா ரேபேக்கோ கடந்த ஓராண்டில் சராசரி ஆண்டு வருமானமாக 45% வரை அதன் முதலீடுகள் மீது லாபம் அளித்துள்ளது.

குறிப்பாக கடந்த மூன்று ஆண்டுகளில் 207% மேல் லாபத்தை கொட்டிக் கொடுத்துள்ளது. நீங்கள் இந்த திட்டத்தில் மாதம் 1000 ரூபாய் என 2021 ஆம் ஆண்டு முதலீடு செய்யத் தொடங்கியிருந்தால், இன்று உங்களுக்கு ரூ.1,10,520 கிடைத்திருக்கும். அதாவது நீங்கள் முதலீடு செய்த தொகை வெறும் ரூ.36,000 மட்டும்தான் லாபம் 207% லாபம் எனக் கணக்கிடுவதால் மொத்தமாக ரூ.74,520 உங்களுக்கு லாபம்தான்.

இந்த ஃபண்டிற்கான குறைந்தபட்ச SIP முதலீட்டுத் தொகை ரூ.1000 ஆகவும், Lumpsum எனில் ரூ.5000 குறைந்தபட்ச முதலீட்டுத் தொகையாகும். இந்த ஃபண்டின் கீழ் தற்போது அதன் AUM ரூ.47,886 ஆக உள்ளது. இது சந்தை அபாயங்கள் அதிகம் உள்ள ஒரு ஸ்மால் கேப் ஃபண்டாகும்.