பட்ஜெட் 2023: இனி இந்த மியூச்சுவல் ஃபண்ட் திட்டத்திற்குதான் மவுசு ஜாஸ்தி.. தெரியுமா!

பொருளாதார மந்திநிலை, பணவீக்கத்தை சமாளிக்க ரிசர்வ் வங்கி சமீபத்தில் கடன்கள் மீதான ரெப்போ வட்டி விகிதங்களை தொடர்ந்து உயர்த்திக் கொண்டே சென்றது. அதன் விளைவாக டெட் மியூச்சுவல் ஃபண்டில் முதலீடு செய்தவர்களுக்கு அது நெருக்கடியை உண்டாக்கியது.

இந்நிலையில் இன்று நிர்மலா சீதாரமன் அவர்கள் தாக்கல் செய்த யூனியன் பட்ஜெட் அறிவிப்பில் பட்ஜெட் மதிப்பீட்டின்படி மொத்த உள்நாட்டு உற்பத்தியில் 6.4% ஆகும் என்று கூறினார். FY24க்கான நிதிப் பற்றாக்குறை மதிப்பீடு மொத்த உள்நாட்டு உற்பத்தியில் 5.9% ஆக நிர்ணயிக்கப்பட்டுள்ளது எனக் கூறியுள்ளார்.

அதனால் 2021-22 ஆம் ஆண்டிற்கான எனது பட்ஜெட் உரையில், 2025-26 ஆம் ஆண்டுக்குள் நிதிப் பற்றாக்குறையை 4.5 சதவீதத்திற்கும் கீழ் எட்டுவதற்கும், நிதி ஒருங்கிணைப்பின் பாதையைத் தொடர திட்டமிட்டுள்ளதாகவும் நிதியமைச்சர் கூறியுள்ளார்.

மேலும் 2025-26 ஆம் ஆண்டிற்குள் நிதிப் பற்றாக்குறையை மொத்த உள்நாட்டு உற்பத்தியில் 4.5 சதவீதத்திற்குக் கீழே கொண்டு வருவதற்காக அரசு முழு வீச்சில் செயல்படும் எனவும் நிர்மலா அவர்கள் தெரிவித்துள்ளார்.

2023-24 நிதிப் பற்றாக்குறையை ஈடுகட்ட, தேதியிட்ட பத்திரங்களிலிருந்து நிகர சந்தைக் கடன்கள் ரூ.11.8 லட்சம் கோடியாக மதிப்பிடப்பட்டுள்ளது. இருப்பு நிதியானது சிறு சேமிப்பு மற்றும் பிற ஆதாரங்களில் இருந்து வரும் என எதிர்பார்க்கப்படுகிறது. மொத்த சந்தை கடன்கள் ரூ.15.4 லட்சம் கோடியாக மதிப்பிடப்பட்டுள்ளது.

நிதி அமைச்சர் நிதிப் பற்றாக்குறையை 5.8% ஆக நிர்ணயிப்பார் என்று நாங்கள் எதிர்பார்த்தோம், நிகர மற்றும் மொத்த சந்தைக் கடன் முறையே ரூ. 12 டிரில்லியன் மற்றும் ரூ. 16.4 டிரில்லியனாக இருக்கும் என்று எதிர்பார்க்கப்பட்டது. நிதிப்பற்றாக்குறை மதிப்பீடு மற்றும் அரசு கடன் வாங்கும் எண் ஆகிய இரண்டும் நிதி ஒருங்கிணைப்பின் சந்தை எதிர்பார்ப்புக்கு ஏற்ப உள்ளன. இது பத்திர சந்தைக்கு ஒரு பெரிய சாதகமாக இருக்கும் என்று குவாண்டம் மியூச்சுவல் ஃபண்டின் நிதி மேலாளர் பங்கஜ் பதக் தெரிவித்துள்ளார்.

கடன் வாங்கும் எண்ணிக்கை சந்தையின் எதிர்பார்ப்பை விட சற்று குறைவாக இருப்பதால், இது பத்திர சந்தைக்கு சாதகமானது என்று நிதி மேலாளர்கள் கூறுகின்றனர். அதனால் Debt Mutual Fund முதலீடுகளுக்கு இனி நல்ல காலம்தான் என நிதி ஆலோசகர்கள் கூறுகின்றனர்.