1000 ரூபாயில் லட்சாதிபதி ஆவது எப்படி? அதற்காகவே காத்திருக்கும் மியூச்சுவல் ஃபண்டுகள்.. இவைதான்!!

பொதுவாக முதலீடு செய்பவர்களின் மனநிலையானது குறைந்த முதலீட்டில் அதிக லாபம் பெறுவது பற்றியே இருக்கும். முதலில் நீங்கள் உணர வேண்டியது ஒன்றுதான். குறைந்த முதலீட்டில் நீங்கள் எதிர்பார்த்த தொகை கிடைக்கவில்லை என்றாலும் உங்கள் முதலீடுகள் வீணாகப் போவதில்லை.

நீங்கள் எதிர்பார்த்ததைவிட 90% தொகை உங்களுக்குக் கிடைக்கலாம் அல்லது நீங்கள் எதிர்பார்த்ததைவிட அதிகமாகக் கூட கிடைக்கலாம். அது பங்குச் சந்தையில் மட்டும் சாத்தியமில்லை சில மியூச்சுவல் ஃபண்டுகளும் உங்களை லட்சாதிபதியாக்கும்.

நீங்கள் மியூச்சுவல் ஃபண்டைப் பற்றி நன்கு அறிந்தவர் என்றால் ரூ.1000 முதலீட்டில் ஒரு லட்சம் சம்பாதிக்க வேண்டும் என எதிர்பார்த்தால் இக்கட்டுரையில் இடம்பெறும் மியூச்சுவ ஃபண்டுகள் உங்களுக்கு ஒரு நல்ல தேர்வாக இருக்கும்.

1. பராக் பரிக் ஃப்ளெக்ஸி கேப் ஃபண்ட் (Parag Parikh Flexi Cap Fund - Direct Plan-Growth:

இந்த ஃபண்டானது பராக் பரிக் மியூச்சுவல் ஃபண்ட் ஹவுஸால் மே 2013 அன்று தொடங்கப்பட்டது. ஆரம்பிக்கப்பட்ட முதல் ஆண்டிலிருந்தே இந்த ஃபண்டானது 19.42% சராசரி ஆண்டு வருமானத்தை அதன் முதலீடுகளின் மீது வழங்கி வருகிறது.

ஃப்ளக்ஸி கேப் ஃபண்ட் என்பது லார்ஜ்-கேப், மிட்கேப் மற்றும் ஸ்மால்-கேப் பங்குகளில் முதலீடு செய்யும் ஃபண்ட் திட்டமாகும். அதன்படி இந்த ஃபண்டானது 66.44% முதலீட்டுத் தொகையை மேற்சொன்ன பங்குகளில் முதலீடு செய்கிறது. குறிப்பாக லார்ஜ்-கேப் பங்குகளில் 44.3% தொகையை முதலீடு செய்கிறது. மீதமுள்ள தொகையை நிதி நிறுவனங்கள், சேவைத்துறைகள், தொழில்நுட்பத்துறை மற்றும் ஆட்டோ மொபைல் துறைகளின் பங்குகளில் முதலீடு செய்கிறது.

இதன் குறைந்தபட்ச சிப் (SIP) முதலீட்டுத்தொகை ரூ.1000 ஆகும். நீங்கள் இதில் மாதந்தோறும் ரூ.1000 முதலீடு செய்தால் 5 வருட இறுதியில் நீங்கள் ரூ.95,000 வரை பெறலாம். இதில் 7 வருடம் வரை நீங்கள் லாக்-இன் முறையில் முதலீடு செய்தால் ரூ.1,48,000 வரை பெறலாம்.

2. பிஜிஐஎம் ஃப்ளக்ஸி கேப் ஃபண்ட் (PGIM India Flexi Cap Fund - Direct Plan-Growth)

இந்த ஃபண்ட் மார்ச் 2015 அன்று பிஜிஐஎம் (Prudential Global Investment Managers) மியூச்சுவல் ஃபண்ட் நிறுவனத்தால் தொடங்கப்பட்டது. இந்த ஃபண்ட் தொடங்கப்பட்ட முதல் ஆண்டிலிருந்தே 14.61% லாபத்தை அளித்து வருகிறது.

இந்த ஃபண்ட் தொகையில் 98.29% ஈக்விட்டி பங்குகளில் முதலீடு செய்கிறது. இந்த ஃபண்டிற்கான குறைந்தபட்ச சிப் (SIP) முதலீட்டுத்தொகை ரூ.1000 ஆகும்.

இந்த ஃபண்டில் நீங்கள் மாதந்தோறும் ரூ.1500 முதலீடு செய்தால் 5 வருடத்தில் ரூ.1,28,000 வரை பெறலாம்.

Disclaimer: மியூச்சுவல் ஃபண்ட் திட்டங்கள் சந்தை அபாயங்களுக்கு உட்பட்டவை. முதலீடு செய்வதற்கு முன் உங்கள் ஆலோசகரிடம் கேட்டறிந்து சுய விருப்பத்தின் பேரில் முதலீடு செய்யவும்.